اسلام آباد (ويب ڊيسڪ) وفاقي آئيني عدالت جي پهرين ڪاز لسٽ جاري ڪئي وئي آهي.
جاري ڪيل ڪاز لسٽ موجب ايندڙ هفتي وفاقي آئيني عدالت ۾ ٽي بينچون ڪيس ٻڌنديون.
ڪاز لسٽ موجب وفاقي آئيني عدالت جو چيف جسٽس امين الدين خان ڪورٽ روم نمبر هڪ ۾ ڪيسن جي ٻڌڻي ڪندو، جڏهن ته جسٽس حسن اظهر رضوي کي ڪورٽ روم نمبر ٻه ۾ ٻڌڻي جي ذميواري ڏني وئي آهي.
ٽين بينچ ۾ جسٽس عامر فاروق ۽ جسٽس ڪي ڪي آغا شامل آهن، جيڪي ٻه رڪني بينچ جي حيثيت سان ڪورٽ روم نمبر ٽي ۾ ڪيس ٻڌندا.
وفاقي آئيني عدالت جي قيام کانپوءِ اها پهرين ڪاز لسٽ آهي، جنهن تحت اهم آئيني ڪيسن جي ڪارروائي ايندڙ هفتي شروع ٿيندي.
