اسلام آباد (ويب ڊيسڪ) پاڪستان ڪرڪيٽ بورڊ( پي سي بي ) ايشيا ڪپ رائزنگ اسٽارز چيمپئن شپ 2025 (جنهن کي اڳ ايمرجنگ ايشيا ڪپ چيو ويندو هو) لاءِ 15 رڪني اسڪواڊ جو اعلان ڪري ڇڏيو .
محمد عرفان خان ايشيا ڪپ رائزنگ اسٽارز 2025 ۾ پاڪستان شاهينز جي قيادت ڪندو.
ٻين رانديگرن ۾ احمد دانيال، عرفات منھاس، معاز صداقت، محمد فائق، محمد غازي غوري، محمد نعيم، محمد سلمان، محمد شهزاد، مبصر خان، سعد مسعود، شاهد عزيز، سفيان مقيم، عبيد شاهه ۽ ياسر خان شامل آهن.
ايشيا ڪپ رائزنگ اسٽارز چيمپئن شپ 14 کان 23 نومبر تائين قطر جي راڄڌاني دوحا ٿيندي. ميگا ايونٽ ٽي ٽوئنٽي فارميٽ تحت کيڏيو ويندو ۽ جنهن ۾ فائنل سميت ڪُل 15 ميچون ٿينديون.
گروپ اَي ۾ سريلنڪا، بنگلاديش، افغانستان ۽ هانگ ڪانگ شامل آهن، جڏهن ته گروپ بي ۾ پاڪستان، ڀارت، يو اَي اِي ۽ عمان جون ٽيمن کي رکيو ويو آهي.
پاڪستان پنهنجي مهم جي شروعات 14 نومبر تي عمان جي خلاف ميچ سان ڪندو، ٻي ميچ 16 نومبر تي ڀارت اي سان، ۽ ٽِين ميچ 18 نومبر تي يو اي اي خلاف کيڏندو.
ايونٽ جا سيمي فائنلز 21 نومبر تي ۽ فائنل 23 نومبر تي رٿيل آهن.
واضح رهي ته ايمرجنگ ايشيا ڪپ ۾ ٽيسٽ کيڏندڙ ملڪن جون اَي ٽيمون حصو وٺنديون، جڏهن ته ايسوسيئيٽ نيشن جون فل اسٽرينٿ ٽيمون شرڪت ڪري رهيون آهن.
