پرڏيهي کاتي جي ترجمان موجب پاڪستان افغان طالبان جي درخواست تي 48 ڪلاڪن لاءِ عارضي جنگبندي جو فيصلو ڪيو آهي ۽ ٻنهي طرفن کان ڳالهين ذريعي ان مسئلي جو حل ڳولهڻ جي مخلصاڻي ڪوشش ڪنداسين. جنگ بندي کان ڪجهه ڪلاڪ اڳ، پاڪستان قنڌار ۽ ڪابل ۾ افغان طالبان ۽ خوارج جي ٺڪاڻن تي ٽارگيٽيڊ آپريشن ڪيا، جن ۾ فتنا الخوارج جي مرڪز ۽ قيادت کي نشانو بڻايو ويو.
تازي ترين خبر آهي ته ان سيز فائز جي مدي ۾ واڌ ڪئي وئي آهي. ميڊيا رپورٽن موجب، پاڪستان تمام احتياط سان حملا ڪيا ۽ شهري آبادي کان پري هدف چونڊيا ۽ انهن کي ڪاميابي سان تباهه ڪيو. ان کان اڳ، پاڪستاني فوج بلوچستان جي سرحدي ضلعي جي اسپن بولدڪ علائقي ۽ خيبر پختونخواه جي گرم سيڪٽر ۾ افغان طالبان ۽ فتنا الخوارج جي حملن کي ناڪام بڻايو هو، جوابي ڪارروائي ۾ 45 کان 50 حملي آور مارجي ويا ۽ ڪيترائي چيڪ پوسٽ ۽ ٽينڪ تباهه ڪيا هئا. پاڪستاني فوج جي انٽر سروسز پبلڪ رليشنز (آءِ ايس پي آر) موجب، 15 آڪٽوبر 2025ع تي، افغان طالبان بلوچستان جي علائقي اسپن بولدڪ ۾ چار مختلف هنڌن تي حملا شروع ڪيا، جن کي پاڪستاني سيڪيورٽي فورسز جامع ۽ اثرائتي انداز ۾ ناڪام بڻايو، جنهن دوران 15 کان 20 افغان طالبان مارجي ويا ۽ ڪيترائي زخمي ٿيا. افغانين جا اهي حملا علائقي جي ورهايل ڳوٺن مان ڪيئن گذريا، شهري آبادي جي سيڪيورٽي جي ڪا به پرواهه نه ڪئي وئي، جڏهن ته افغان طالبان پاڻ پنهنجي پاسي پاڪ-افغان دوستي گيٽ کي به تباهه ڪري ڇڏيو، انهن جو عمل ٻنهي ملڪن جي وچ ۾ باهمي واپار ۽ سرحدي قبائلين جي روايتي حقن بابت انهن جي سوچ جو واضح عڪاسي آهي.
آءِ ايس پي آر موجب، اسپن بولدڪ کان علاوه، 14 ۽ 15 آڪٽوبر جي رات، افغان طالبان ۽ فتنه الخوارج خيبر پختونخواه جي گرم سيڪٽر ۾ پاڪستاني سرحدي پوسٽن تي به حملو ڪرڻ جي ڪوشش ڪئي، جنهن کي فورسز نه رڳو بهادري سان رد ڪيو پر جوابي ڪارروائي ۾ افغان پوسٽن کي به سخت نقصان پهچايو. دشمن جي اٺ پوسٽن کان علاوه، ڇهه ٽينڪ تباهه ڪيا ويا، جڏهن ته ان دوران 25 کان 30 دهشتگردن جي مارجڻ جي به خبر پئي. آءِ ايس پي آر جي بيان موجب، پاڪستان پاران افغانستان تي حملي جا الزام بي بنياد، مڪمل طور تي غلط ۽ گمراهه ڪندڙ پروپيگنڊا آهن، بلڪل ائين جيئن افغانين پاڪستاني پوسٽن يا سامان تي قبضو ڪرڻ جون ڪوڙيون دعوائون ڪيون هيون. بنيادي حقيقتن جي جانچ ڪندي طالبان حڪومت جي گمراهه ڪندڙ پروپيگنڊا کي آسانيء سان بي نقاب ڪري سگهجي ٿو.ياد رهي ته 11 ۽ 12 آڪٽوبر جي رات طالبان اختيارين ڪنڙ، ننگرهار، پڪتيڪا، خوست ۽ هلمند سان گڏ ڪجهه سرحدي علائقن ۾ بغير ڪنهن ٺوس سبب جي حملا ڪيا، جنهن کان پوءِ انهن علائقن ۾ انتشار شروع ٿي ويو. پاڪستاني سيڪيورٽي فورسز جوابي ڪارروائي ۾ ڪيتريون ئي افغان پوسٽون تباهه ڪري ڇڏيون ۽ 21 پوسٽن کي عارضي طور تي قبضو ڪري ورتو. ان بعد افغان فوجي فرار ٿي ويا ۽ ڪيتريون ئي پوسٽون خالي ڇڏي ويون، جڏهن ته ڪيترن ئي پوسٽن تي اڇا جهنڊا لهرايا ويا. آءِ ايس پي آر موجب، انهن جهڙپن ۾ طالبان فورسز ۽ انهن سان لاڳاپيل فتنه الخوارج جا 200 کان وڌيڪ جنگجو مارجي ويا، جڏهن ته پاڪستاني فوج جا 23 بهادر سپاهي وطن جي دفاع ۾ شهيد ٿي ويا. پاڪ-افغان سرحد تي انتشار تڏهن شروع ٿيو.
جڏهن، ڪابل اسلام آباد تي هوائي حملي جو الزام لڳايو، پر پاڪستان ان کي رد ڪري ڇڏيو. ڊائريڪٽر جنرل آءِ ايس پي آر ڪجهه ڏينهن اڳ پشاور ۾ پريس بريفنگ کي خطاب ڪندي مخالف ڌر تي زور ڏنو هو ته هو تحريڪ طالبان پاڪستان (ٽي ٽي پي) ۽ ٻين دهشتگردن کي پنهنجي سرزمين تي پناهه ڏيڻ بند ڪري. ساڳئي ڏينهن، پرڏيهي آفيس پڻ سماجي رابطن واري ويب سائيٽ ايڪس تي طالبان حڪومت جي بيانن تي سخت رد عمل ظاهر ڪيو، ان کي پنهنجي اندروني معاملن تي صلاح ڏيڻ کان منع ڪيو.
وزيراعظم شهباز شريف سان هڪ دوست عرب ملڪ ذريعي ڳالهيون جاري آهن. اميد آهي ته، هڪ مثبت نتيجو نڪرندو. پر، جيڪڏهن افغان انتظاميا پنهنجي سرزمين تان دهشتگردي خلاف اثرائتي ڪارروائي نه ڪئي ۽ پاڪستان تي حملا جاري رهيا، ته پاڪستان انهن کي معاف نه ڪندو. پاڪستان جي دشمني افغان حڪومت يا عوام سان نه، پر دهشتگردي ڪندڙ دهشتگردن سان آهي.افسوسناڪ ڳالهه اها آهي ته افغانستان اهو تسليم ڪرڻ لاءِ تيار ناهي ته سندس سرزمين پاڪستان ۾ دهشتگردي لاءِ استعمال ٿي رهي آهي، ان حقيقت جي باوجود ته پاڪستان ان جا ثبوت نه رڳو افغان حڪومت پر دنيا جي سڀني لاڳاپيل پليٽ فارمن تي پيش ڪيا آهن. صورتحال کي سنڀالڻ بدران، افغان پرڏيهي وزير هندستان جو دورو ڪيو ۽ ڪشمير تي هڪ ناقابل قبول موقف اختيار ڪيو. اتي، هن پاڪستان پاران دراندازي جي ڳالهه کي به مڪمل طور تي رد ڪري ڇڏيو.
جيتوڻيڪ حقيقت اها آهي ته 11 ۽ 12 آڪٽوبر جي رات، افغان حملن جي آڙ ۾ دهشتگردن کي پاڪستان ۾ اسمگل ڪرڻ جي ڪوشش ڪئي وئي. هن سال 28 فيبروري 2025 تي مارجي ويل 14 دهشتگردن ۾ ڪيترائي افغان هئا، ۽ مجيب الرحمان نالي دهشتگرد حضرت معاذ بن جبل نيشنل ملٽري اڪيڊمي جي ٽئين بٽالين جو ڪمانڊر نڪتو. بدرالدين، جيڪو 30 جنوري 2025 تي ڊيرا اسماعيل خان ۾ مارجي ويو، افغان فوج ۾ ليفٽيننٽ ۽ بغداد صوبي جي ڊپٽي گورنر جو پٽ هو. اهڙا ڪيترائي ثبوت آهن جيڪي افغان حڪومت کي ڏنا ويا پر ان ڪڏهن به اهڙن عنصرن خلاف ڪارروائي ڪرڻ تي غور نه ڪيو. پاڪستان مسلسل ان کي يقين ڏياريو آهي ته اهڙيون دهشتگرد ڪاروائيون وڌيڪ جاري نه ٿيون رهي سگهن، ڇوته برداشت جي هڪ حد هوندي آهي، پر صرف افغانستان جي هن مسئلي تي خاموشي جي ڪري، هتي دهشتگردي گهٽجڻ بدران وڌي رهي آهي، حقيقت ۾، دهشتگردي طالبان حڪومت جي قيام کان پوءِ وڌڻ لڳي آهي. في الحال ته پاڪستان افغانستان جي درخواست قبول ڪري ورتي آهي ۽ ٻنهي ملڪن جي وچ ۾ جلد ڳالهيون ٿينديون، پر ساڳئي وقت، دوست ملڪن کي به افغانستان تي زور ڏيڻ گهرجي ته هو پنهنجو رويو تبديل ڪري، ان حقيقت کي قبول ڪري، اکيون بند ڪرڻ سان مسئلا حل نه ٿيندا. پاڪستان پنهنجي بقا لاءِ جيڪو ڪجهه ممڪن آهي اهو ڪندو، پر بهتر آهي ته افغانستان به پاڪستان سان وڙهڻ بدران اندران دهشتگردن جي محفوظ پناهگاهن کي ختم ڪري. جيڪي اڄ پاڪستان لاءِ مسئلا پيدا ڪرڻ جي ڪوشش ڪري رهيا آهن اهي مستقبل ۾ پنهنجي علائقي ۽ دنيا لاءِ خطرو بڻجي سگهن ٿا. اهو پهريون ڀيرو نه آهي جو افغانستان اهڙي حرڪت نه ڪئي هجي پر ويجهي ماضي ۾ به، انهن آمريڪا ۽ ان جي اتحادي فوجن جي هٿان افغانستان کي تباهه ڪيو آهي.پاڪستان جي هزارين چڱاين جو بدلو افغانستان ڪو چڱو نه ڏنو آهي۔ هن وقت تائين لکين افغاني پاڪستان ۾ رهائش پزير آهن جن پنهنجا شناختي ڪارڊ به ٺهرائي ورتا آهن ۽ افغان بستيون قائم ڪري ورتيون آهن۔
گذريل هفتي کان پاڪستاني حڪومت انهن خلاف آپريشن شروع ڪري کين نيڪالي ڏيڻ جو فيصلو ڪيو آهي پر ان تي عمل ”اٽي ۾ لوڻ برابر ٿيو آهي“ هاڻي جڏهن سيز فائر ٿي چڪو آهي ته ڇا اهي افغاني بستيون افغانين کان خالي ٿينديون يا نه؟ جيڪڏهن خالي نه ٿيون ته ڪجهه ڏينهن بعد اهي ساڳيا افغاني نمڪ حرامي ڪري نئون کيل کيڏندا ۽ ملڪ ۽ قوم جو سڪون تباهه ڪندا۔ انڪري سيز فائر ٿيڻ کان پوءِ به افغانين جي وطن واپسيء وارو آپريشن جاري رهڻ گهرجي ڇوته خبرون اهي به اچي رهيون آهن ته سنڌ جي شهر ڪراچيءَ مان ڪڍيل غير قانوني افغان شهرين صوبي جي ٻين شهرن ۾ ديرا ڄمائي ورتا آهن، ٻين صوبن کان تڙيل غير قانوني افغاني به سنڌ ۾ پهچڻ لڳا آهن، صوبي جي مختلف شهرن ۾ پوليس توڙي انتظاميا اک نه پٽي، غير قانوني افغانين سنڌ جي جابلو پٽين ۽ وارياسن پڊن تي آباديون قائم ڪري ورتيون، چونڊيل نمائندن جي ان صورتحال تي خاموشي اختيار ڪرڻ ۽ سندن دفاع ۾اجايا دليل پيش ڪرڻ سبب، سنڌ واسي غير قانوني افغانين جي وڌندڙ يلغار تي سخت پريشان آهن، حڪومت کي فوري طور تي نوٽيس وٺي غير قانوني افغانين خلاف آپريشن ڪري کين پنهنجي ڏيهه روانو ڪرڻ گهرجي۔
