اسلام آباد(م ڊ) وزيراعظم جي سياسي معاملن واري مشير راڻا ثناءُ الله چيو آهي ته عمران خان سان ملاقات جو اختيار وزيراعظم يا ڪنهن وڏي وزير وٽ ناهي پر جيل سپرنٽينڊنٽ وٽ آهي،سهيل آفريدي پوري سسٽم کي انڪار ڪري رهيو آهي،وزيراعظم جو اهو ڪم ناهي ته جيل ۾ ملاقاتون ڪرائي،هن چيو ته سهيل آفريدي کي جيل سپرنٽينڊنٽ کي فون ڪري عمران خان سان ملاقات لاءِ اڊيالا / جيل وڃڻ گهرجي،ڪا انتظامي اٿارٽي وڏي وزير جي ڳالهه نٿي مڃي ته هو عدالت سان رابطو ڪري،عمران خان پاڪستان خلاف بيٺو آهي،کيس پنهنجو رويو ٺيڪ ڪرڻ گهرجي،هن رويو ٺيڪ نه ڪيو ته مستقبل ۾ به ڏکيو ئي رهندو،سهيل آفريدي هيل تائين جن خيالن جو اظهار ڪيو آهي ان ۾ بهتري نظر نه پئي اچي،کيس پنهنجو حلف ياد رکڻ گهرجي،
