ڪراچي(رپورٽر) ڪراچي ۾ هلندڙ سال مليريا جا 2 هزار 242 ڪيس رپورٽ ٿيا آهن، جڏهن ته انگ وڌيڪ هجڻ جو خدشو آهي. سنڌ جي صحت کاتي جي ترجمان جو چوڻ آهي ته ڪراچي مان هن سال مليريا جا 2,242 ڪيس رپورٽ ٿيا آهن. ترجمان موجب ضلعي ملير مان جون تائين 205 ۽ 21 سيپٽمبر تائين مجموعي طور 649 مليريا جا ڪيس رپورٽٿيا، جيڪي ڪراچي جي سڀني ضلعن مان سڀ کان وڌيڪ آهن. صوبائي صحت کاتي مطابق،سنڌ ۾ هلندڙ سال 1 لک 62 هزار 91 مليريا جا ڪيس سامهون آيا آهن. ڊاڪٽرن جو چوڻ آهي ته برساتن کان پوءِ ملير ۾ سڀ کان وڌيڪ مليريا جا ڪيس سامهون اچي رهيا آهن ۽ برسات کان پوءِ ملير ۾ مليريا جي ڪيسن ۾ لڳ ڀڳ 50 سيڪڙو واڌ ٿي آهي .
