واشنگٽن (ويب ڊيسڪ)آمريڪي صدر ڊونلڊ ٽرمپ ڀارتي وزيراعظم نريندر مودي کي سندس 75هين سالگرهه تي فون ڪري واڌايون ڏنيون.
ٻنهي اڳواڻن وچ ۾ جون 2025 کانپوءِ پهرين ڀيرو سڌي ريت رابطو ٿيو آهي،
وائيٽ هائوس ۽ ڀارتي پرڏيهي کاتي موجب، فون ڪال دوران ٽرمپ مودي جي قيادت کي ساراهيندي چيو ته هو تمام شاندار ڪم ڪري رهيو آهي.
ڊونلڊ ٽرمپ اميد ظاهر ڪئي ته آمريڪا ۽ ڀارت ايندڙ ڏينهن ۾ واپاري لاڳاپن کي نئين سطح تي وٺي ويندا.
وزيراعظم نريندر مودي صدر ٽرمپ جا ٿورا مڃيندي چيو ته ڀارت آمريڪا سان لاڳاپن کي وڌيڪ مضبوط بڻائڻ لاءِ پرعزم آهي.
