اسلام آباد (ويب ڊيسڪ) عيد ميلاد النبي صه جي موقعي تي سڄي ملڪ ۾ 12 ربيع الاول (6 سيپٽمبر) تي عام موڪل هوندي.
وزيراعظم شهباز شريف جي منظوري سان ڪابينا ڊويزن عام موڪل جو نوٽيفڪيشن جاري ڪري ڇڏيو آهي.
نوٽيفڪيشن ۾ چيو ويو آهي ته عيد ميلاد النبي صه جي موقعي تي 6 سيپٽمبر، ڇنڇر ڏينهن موڪل هوندي.
ياد رهي ته پاڪستان سميت دنيا جي ڪيترن ئي ملڪن ۾ نبي آخرالزمان حضرت محمد مصطفيٰ صه جو يومِ ولادت مذهبي عقيدت ۽ احترام سان ملهايو ويندو آهي.
