ڪراچي(رپورٽر)مڪاني کاتي جي صوبائي وزيرسعيد غني چيو آهي ته ڪراچي ۾ خطرناڪ قرار ڏنل 41 عمارتونخالي ڪرايون ويون آهن، پر حڪومت وٽ ايترا وسيلا ناهن جو اهي عمارتون فوري طور تي ڊاهي سگهجن، سعيد غني ٻڌايو ته ڪراچي ۾ 41 عمارتون خالي ڪرايون ويون آهن، جن مان ڪجهه ڊاٽيون به ويون آهن، جن عمارتن کي خالي ڪرايو ويو، انهن جي رهواسين کي 3 مهينن جو ڪرایو ڏنو ويندو، سعيد غني وڌيڪ چيو ته عمارتون خالي ڪرائڻ ڏکيو عمل آهي ۽ مزاحمت کي به منهن ڏيڻو پئجي رهيو آهي ، جڏهن ته ايترا وسيلا ناهن جو انهن کي فوري طور تي ڊاهي سگهجي، هن چيو ته تعميراتي ادارن جي تنظيم آباد ۽ انجنيئرنگ ڪائونسل سان گڏجي ڊگهي مدي وارو لائحه عمل تيار ڪيو پيو وڃي، هن ٻڌايو ته ڪڏهن ڪڏهن عدالتي حڪمن سبب به مشڪلاتون ٿين ٿيون، ڇوته غيرقانوني تعميرن خلاف عدالتون حڪم جاري ڪري ڇڏين ٿيون، سعيد غني واضح ڪيو ته لياقت ۾ جيڪا عمارت جي ڇت ڪري پئي، اها انهن خطرناڪ عمارتن ۾ شامل نه هئي.
