اسلام آباد (ويب ڊيسڪ) اليڪشن ڪميشن خيبرپختونخواهه اسيمبلي جي مخصوص سيٽن بابت فيصلو جاري ڪري ڇڏيو.
اليڪشن ڪميشن خيبرپختونخواهه ۾ مخصوص سيٽن بابت پاڪستان مسلم ليگ (ن) جي درخواست منظور ڪري ورتي.
فيصلي ۾ چيو ويو آهي ته اقليتي سيٽ تي مسلم ليگ (ن) ۽ جمعيت علماءِ اسلام (ف) وچ ۾ ٽاس ٿيندو.
خيبرپختونخواهه اسيمبليءَ ۾ مسلم ليگ (ن) کي 9، جمعيت علماءِ اسلام (ف) کي 9، پيپلز پارٽي کي 5، پاڪستان تحريڪ انصاف پارليامينٽرينز (پي ٽي آءِ پي) ۽ عوامي نيشنل پارٽي (اي اين پي) کي هڪ-هڪ واڌو سيٽ ملي آهي.
مسلم ليگ (ن) کي خيبرپختونخواهه اسيمبليءَ ۾ عورت جي سيٽ به ملي وئي، جڏهن ته عورتن جي ٻي مخصوص سيٽ تي اي اين پي ۽ پي ٽي آءِ پي وچ ۾ ٽاس ڪيو ويندو.
ياد رهي ته گذريل ڏينهن اليڪشن ڪميشن خيبرپختونخواهه اسيمبلي جي مخصوص سيٽن جي ورهاست بابت ڪيس ۾ ڌرين جا دليل مڪمل ٿيڻ بعد فيصلو محفوظ ڪيو هو.
