ڪراچي (رپورٽر) پنجگور ۾ نوجوان ذيشان ظهير جي عدالت کان مٿاهين قتل ۽ بلوچستان ۾ جاري بلوچ نسل ڪشي جي خلاف بلوچ يڪجهتي ڪميٽي ڪراچي جي سهڪار سان لياري جي 8 چوڪ کان چاڪيواڙي تائين هڪ پرامن احتجاجي مارچ ڪيو ويو، جنهن تي پوليس اوچتو چڙهائي ڪري ڇڏي. اکين ڏٺن شاهدن موجب پوليس پاران مارچ جي شرڪت ڪندڙن تي لٺبازي ڪئي وئي، جنهن جي نتيجي ۾ ڪيترائي ماڻهو زخمي ٿي پيا۔ پوليس بلوچ يڪجهتي ڪميٽي جي مشهور اڳواڻ باجي آمنه بلوچ سميت چار ماڻهن کي گرفتار ڪري رسالا ٿاڻي منتقل ڪري ڇڏيو. شرڪت ڪندڙن جو چوڻ هو ته ذيشان ظهير جو عدالت قتل انهي ئي سلسلي جي ڪڙي آهي. پوليس جي ظلمن خلاف سخت ردعمل ظاهر ڪندي بلوچ يڪجهتي ڪميٽي جي ترجمان چيو ته پرامن احتجاج اسان جو آئينی حق آهي پر بار بار ان حق کي دٻائڻ جي ڪوشش ڪئي پئي وڃي. مظاهري ۾ مختلف سياسي، سماجي ۽ انساني حقن جي ڪارڪنن شرڪت ڪئي ۽ پوليس جي ڪارروائي جي سخت مذمت ڪئي.
