اسلام آباد (ويب ڊيسڪ) نائب وزيراعظم ۽ پرڏيهي وزير اسحاق ڊار جي صدارت هيٺ کنڊ درآمد ڪرڻ بابت اجلاس ۾ 5 لک ميٽرڪ ٽن کنڊ درآمد ڪرڻ جو فيصلو برقرار رکيو ويو آهي.
اسحاق ڊار جي سربراهي ۾ اسٽيئرنگ ڪميٽي جو فالو اپ اجلاس اڱاري ڏينهن اسلام آباد ۾ ٿيو، جنهن ۾ 5 لک ميٽرڪ ٽن کنڊ درآمد ڪرڻ جو فيصلو برقرار رکيو ويو.
اجلاس دوران نائب وزيراعظم چيو ته ضروري شين جي مناسب اگهن تي فراهمي ۽ عوام کي رليف ڏيڻ حڪومت جي پهرين ترجيح آهي.
