دوحا (ويب ڊيسڪ)قطر گڏيل قومن جي سيڪريٽري جنرل کي هڪ خط لکيو آهي جنهن ۾ سومر ڏينهن آمريڪا جي نگراني هيٺ العُديد هوائي اڏي تي ٿيل ايراني حملي جي مذمت ڪئي وئي آهي.
قطر جي پرڏيهي کاتي طرفان جاري ڪيل هڪ بيان ۾ چيو ويو آهي ته خط ۾ ان حملي کي ”انتهائي خطرناڪ“ قرار ڏنو ويو آهي، جيڪو قطر جي ”خودمختياري ۽ علائقائي سلامتي“ جي کليل ڀڃڪڙي آهي.
خط جي متن موجب، ايراني پاسدارانِ انقلاب جو ميزائل حملو ”لائقائي امن ۽ سلامتي لاءِ سڌو خطرو“ آهي.
بيان ۾ وڌيڪ چيو ويو آهي ته قطري رياست انهيءَ ڳالهه تي زور ڏنو آهي ته هو هن کليل جارحيت جي نوعيت ۽ ان جي پيماني موجب ۽ بين الاقوامي قانونن جي روشنيءَ ۾ سڌو سنئون جواب ڏيڻ جو حق محفوظ رکي ٿو.
قطر جو اِهو به چوڻ آهي ته هن ايران جي سفير کي به طلب ڪري ورتو آهي.
