ميلبورن (ويب ڊيسڪ) ڪرڪيٽ آسٽريليا طرفان ويسٽ انڊيز جي دوري لاءِ ٽي ٽوئنٽي اسڪواڊ جو اعلان ڪيو ويو آهي.
آسٽريليا ۽ ويسٽ انڊيز وچ ۾ ايندڙ مهيني پنجن ٽي ٽوئنٽي ميچن تي ٻڌل سيريز کيڏي ويندي.
ڪرڪيٽ آسٽريليا طرفان اعلانيل 16 رڪني اسڪواڊ جي قيادت مچل مارش ڪندو.
ان کانسوا ءِ ٽم ڊيوڊ، گلين ميڪسويل، جوش هيزل ووڊ ۽ ايڊم زمپا به اسڪواڊ جو حصو آهن، جڏهن ته مارڪوس اسٽوئنس ۽ جيڪ فريزر ميڪگرڪ کي اسڪواڊ ۾ شامل نه ڪيو ويو آهي.
پيٽ ڪمنز، ٽريوس هيڊ ۽ مچل اسٽارڪ ٽيسٽ سيريز کانپوءِ وطن واپس ايندا.
ٻنهي ٽيمن جي وچ ۾ ٽي ٽوئنٽي ميچون 21، 23، 26، 27 ۽ 29 جولاءِ تي کيڏيون وينديون.
