غزه تي اسرائيل جي بمباري تباهي ڪناري پهچائڻ کانپوءِ به جاري آهي هن وقت غزه ۾ ڪا به اهڙي جاءِ ناهي بچي جيڪا فلسطينين لاءِ محفوظ هجي. غزه جي پٽي جا رهواسي نهايت ئي ڏکي زندگي گذارڻ تي مجبور آهن. شهيدن جو تعداد ڏينهون ڏينهن وڌي رهيو آهي ۽ جيڪي زنده آهن انهن کي خبر ناهي ته اهي ڪڏهن شهيد ٿيندا. هر وقت مٿن موت جا بادل ڇانيل آهن.هو هٿين خالي پنهنجو بچاءَ نه ٿا ڪري سگهن ڪوبه سندن مددگار نه پيو بڻجي افسوس اهو آهي ته عرب رياست هوندي اسرائيل مسلسل حملن سان انساني نسل کي تباهه ڪري رهيو آهي.
سوين ماڻهو مارجڻ کانپوءِ اسرائيل ۽ حماس هڪ معاهدي تي پهچي ويا، جنهن ۾ جنگبندي جو مطالبو ڪيو ويو، پر اسرائيل معاهدي جي بار بار ڀڃڪڙي ڪئي آهي. اسرائيل پنهنجي شهرين کي معاهدي تحت آزاد ڪرايو ۽ پوءِ معاهدي جي خلاف ورزي ڪئي۔ جيتوڻيڪ جنگبندي جو معاهدو آمريڪا ۽ قطر جي وچ ۾ پوڻ بعد ٿيو هو ۽ سڄي دنيا ان معاهدي کي خوش آئنده قرار ڏنو، پر اسرائيل وڏي جرئت ڪندي ان معاهدي کي ٽوڙي ڇڏيو. هن وقت اسرائيل غزه کي فلسطينين کان آزاد ڪرائڻ ۽ فلسطينين کي ٻين علائقن ڏانهن وڃڻ تي مجبور ڪرڻ جي ڪوشش ڪري رهيو آهي. پر خدا جي لٺ بي آواز آهي.اسرائيل ۾ والاريل بيت المقدس ڀرسان ٻيلن ۾ خوفناڪ باهه ڀڙڪي پئي آهي، جنهن جي نتيجي ۾ گهٽ ۾ گهٽ 23 ڄڻا زخمي ٿي پيا، جڏهن ته والاريل بيت المقدس ۽ تل ابيب وچ ۾ شاهراهه کي بند ڪيو ويو آهي، اسرائيلي حڪومت ملڪ ۾ ايمرجنسي جو اعلان ڪندي باهه تي ضابطي لاءِ عالمي برادري کان مدد طلب ڪري ورتي آهي.ان باهه کي ڏهاڪي جي سڀ کان وڏي باهه قرار ڏنو پيو وڃي، فائر بريگيڊ عملو، ڪيترائي جهاز ۽ هيلي ڪاپٽر باهه وسائڻ جي ڪوششن ۾ مصروف آهن، جڏهن ته امدادي ڪارروائين ۾ مدد لاءِ فوج کي به طلب ڪيو ويو آهي پر باهه تي ضابطي ۾ ناڪامي سبب اسرائيل يونان، اٽلي، بلغاريا، ڪروشيا ۽ قبرص کي مدد جي اپيل ڪئي آهي.اسرائيل جي فائر اينڊ ريسڪيو اٿارٽي جي ترجمان موجب باهه تقريبن 5 هزار ايڪڙ علائقي کي متاثر ڪيو آهي۔ ايڏي ڏمر باوجود اسرائيلي حڪومت غزه جي پٽي کي الڳ حصن ۾ ورهائڻ ۽ مڪمل فوجي ڪنٽرول حاصل ڪرڻ چاهي ٿي.انڪري سڄي علائقي کي ڊاهڻ ۽ حماس کي هميشه لاءِ تباهه ڪرڻ لاءِ مسلسل بمباري به ڪئي پئي وڃي، تنهن ڪري رفح جي شهرين کي حڪم ڏنو ويو آهي.انهن کي ساحلي علائقن ۾ پناهه گاهه ڏانهن وڃڻو پوندو.
اهو ڪيترو ظلم آهي ته ڪنهن علائقي جي شهرين کي زبردستي پنهنجي علائقي مان ڪڍيو وڃي ۽ جيڪڏهن هو علائقي کان ٻاهر نه رهيا ته پوءِ انهن کي بمباري ڪري تباهه ڪيو وڃي. جنگ ۾ جديد ۽ ڳرا هٿيار استعمال ڪيا پيا وڃن ۽ هر ممڪن ڪوشش ڪئي پئي وڃي ته فلسطينين کي تباهه ڪرڻ يا بي گهر ڪرڻ يا انهن کي ان حد تائين گهٽائڻ جي ڪوشش ڪئي پئي وڃي جتي انهن جي حالت غلامن کان به بدتر هجي.ائين فلسطينين جي محافظ تنظيم حماس کي مڪمل طور تي تباهه ڪرڻ جي ڪوشش ڪئي پئي وڃي ته جيئن مستقبل ۾ ڪا به اهڙي رڪاوٽ نه اچي جيڪا سندن ناجائز مقصدن ۾ روڪي سگهي. پوري دنيا ڏسي پئي ته اسرائيل بار بار ميزائل استعمال ڪري رهيو آهي ۽ اهي ميزائل ڏاڍا خطرناڪ آهن جيڪي انسانن سان گڏ ڌرتي کي تباهه ڪري رهيا آهن۔ اهي ميزائل اسرائيل پهريون ڀيرو استعمال ڪري رهيو آهي۔ اڳي اهي ميزائل حزب الله سان جنگ دوران به استعمال ڪيا ويا هئا. ٿوري وقت ۾ انهن جي تباهي تمام گهڻي ٿي هئي.اسرائيل جا اهي بار ميزائل آساني سان 30 ڪلوميٽرن تائين هدفن کي نشانو بڻائي سگهي ٿو ۽ ستن منٽن اندر هدف کي درست نموني نشانو بڻائڻ جي صلاحيت رکي ٿو.
هي ميزائل پيچيده جنگي ماحول لاءِ تيار ڪيو ويا آهن ۽ اسرائيل هن ميزائل کي جديد هٿيارن کان علاوه استعمال ڪري رهيو آهي. بار ميزائل هڪ تباهي واري طاقت آهي ان کان وڌيڪ پراڻي لانس ميزائلن جي ڀيٽ ۾ جيڪو آرٽلري طرفان استعمال ڪيو ويندو آهي. ايئن ته اسرائيل وٽ ٻيا جديد هٿيار به آهن ۽ آمريڪا به کلم کلا سندس مدد ڪري رهيو آهي.جنهن ڪري هٿيارن جي انڌاڌنڌ استعمال سان فلسطينين جي زندگي اجڙي وئي آهي. هن وقت فلسطيني نه رڳو بمباري جو شڪار ٿي رهيا آهن پر بک ۽ علاج معالج سميت ٻين ضرورتن جو به شڪار ٿي رهيا آهن. کاڌ خوراڪ جي کوٽ سبب غزه جي رهواسين لاءِ خوفناڪ صورتحال پيدا ٿي وئي آهي ايتري تائين جو هو حرام جانورن جو گوشت کائڻ تي مجبور ٿي ويا آهن. انسانيت جو سڀ کان وڏو دشمن آمريڪي صدر ڊونلڊ ٽرمپ غزه جي رهواسين کي عام طور تي ڌمڪيون ڏئي رهيو آهي.
آمريڪي صدر غزه تي قبضي جي دعويٰ به ڪئي آهي ۽ غزه جي رهواسين کي ٻين ملڪن ڏي نيڪالي ڏيڻ جو به اعلان ڪيو آهي. حلف کڻندي ئي ٽرمپ واضح ڪيو هو ته فلسطينين کي صوماليا يا ڪنهن ٻئي ملڪ ۾ آباد ڪيو ويندو. ٽرمپ جي تجويز کي انهن ملڪن رد ڪري ڇڏيو جتي اهو منصوبو موڪليو پيو وڃي، جن ۾ فلسطين به شامل آهي. اسرائيل پڌرو ڪيو آهي ته گريٽر اسرائيل واري نقشي تي تيزي سان عمل ڪيو وڃي، جنهن ۾ خطي جي ڪيترن ئي ملڪن کي اسرائيل جو حصو ڏيکاريو ويو آهي. غزه مان جان ڇڏائڻ کانپوءِ اسرائيل ٻين علائقن جو رخ ڪندو ۽ اسرائيل جي ان ڪارروائي سان ڪيترن ئي ملڪن جي سلامتي ختم ٿي سگهي ٿي.
اسرائيل جي سامهون هن وقت سڀ کان وڏي رڪاوٽ حماس جي صورت ۾ آهي. اسرائيل جي ڪوشش آهي ته حماس کي ڪيئن به ڪري ختم ڪيو وڃي.اسرائيلي وزيراعظم نيتن ياهو چوندو رهيو آهي ته فلسطيني مزاحمتي تنظيم حماس کي شڪست ڏيڻ اسرائيل لاءِ ”وجود جو امتحان“ آهي.انڪري اسان کي هر صورت ۾ حماس کي شڪست ڏيڻي آهي هن ايران تي الزام مڙهيندي چيو ته ايران حماس جي حمايت ڪري ٿو سندس موجب حماس جي فوجي بجيٽ جو 90 سيڪڙو ايران مان اچي ٿو، ايران حماس کي فنڊ ڏئي ٿو، منظم ڪري ٿو ۽ هدايتون به جاري ڪري ٿو.نيتن ياهو غزا ۾ پنهنجي جارحيت جي حوالي سان چيو ته غزا پٽي جي اندر جنگ ڊگھي ۽ ڏکي ٿي سگھي ٿي ڇو جو اسرائيلي فوجي فلسطيني زمين تي 24 ڪلاڪن کان به وڌيڪ وقت کان آپريشن ڪري رهيا آهن.
معاهدي جي حماس کي ختم ڪيو وڃي.حماس فلسطينين جي بهترين پارٽي آهي ۽ ان جون پاڙون عوام ۾ آهن. ماڻهن جي اڪثريت حماس سان پيار ڪري ٿي ڇاڪاڻ ته هي پارٽي جي ڪري غزه اڃا تائين اسرائيل جي ڪري بچيل آهي ، اسرائيل بين الاقوامي قانون جي ڀڃڪڙي ڪري رهيو آهي۔ انهن کي روڪيو وڃي۔ جيڪا اقوام متحده سميت عالمي برادري جي ذميواري آهي۔ ان سان گڏ اسرائيل جي وحشي ڪارنامن بعد به امت مسلمه جي خاموشي نهايت ڏکوئيندڙ آهي۔ سڀ مسلم ملڪ گڏجي غزه تي اسرائيلي جارحيت کي روڪيو وڃي۔ هن وقت اسرائيل تي باهه جي صورت ۾ عذاب نازل ٿيو آهي انڪري مسلمانن جو ايمان وڌيڪ پختو ٿيڻ گهرجي ۽ انسانيت جي بنياد تي فلسطيني مسلمانن جي امداد لاءِ فوري طور تي نڪرڻ گهرجي ته جيئن غزه جا مظلومن کي هن مشڪل گهڙي مان ٻاهر ڪڍي سگهجي.
