لاهور (ويب ڊيسڪ) پنجاب جي راڄڌاني لاهور ۾ هلندڙ سال جي پهرين ٽه ماهي دوران عورتن ۽ ٻارن سان ڏوهه جي واقعن ۾ نمايان واڌ رڪارڊ ڪئي وئي آھي.
پوليس جي انگن اکرن موجب، جنوري کان 31 مارچ تائين 27 عورتن کي قتل ڪيو ويو، 151 عورتن سان زيادتي جا ڪيس داخل ٿيا، جڏهن ته 1182 عورتن جي اغوا جا ڪيس رپورٽ ٿيا. جن مان رڳو 988 عورتون بازياب ٿي سگهيون، جڏهن ته 194 عورتون اڃا تائين گم آهن.
ان عرصي دوران ڏوهارين 138 ٻارن کي اغوا ڪيو، جن مان 14 ٻار اڃا تائين هٿ نه اچي سگهيا آهن، ٻارن سان زيادتي جا 47 ڪيس داخل ٿيا، جن مان 44 جوابدار گرفتار ڪيا ويا، جڏهن ته 3 اڃا تائين گرفتار نه ٿي سگهيا آهن.
ڊي آءِ جي فيصل ڪامران جو چوڻ آهي ته عورتن ۽ ٻارن خلاف ڏوهه جي حوالي سان پوليس وٽ زيِرو ٽالرنس واري پاليسي آهي ۽ گهڻا ڪيس حل ڪيا ويا آهن.
