اسلام آباد (م ڊ) جڊيشل ڪميشن آف پاڪستان سپريم ڪورٽ ۾ 6 ججن جي مقرري جي منظوري ڏئي ڇڏي، چيف جسٽس جسٽس يحيٰ آفريدي جي صدارت هيٺ جڊيشل ڪميشن اجلاس ٿيو، جنهن ۾ سپريم ڪورٽ ۾ 8 نون ججن جي مقرري لاءِ 25 نالن تي غور ڪيو ويو، جنهن بعد اسلام آباد هاءِ ڪورٽ جي چيف جسٽس عامر فاروق، سنڌ هاءِ ڪورٽ جي چيف جسٽس شفيع صديقي، بلوچستان هاءِ ڪورٽ جي چيف جسٽس هاشم ڪاڪڙ ۽ پشاور هاءِ ڪورٽ جي چيف جسٽس اشتياق ابراهيم کي سپريم ڪورٽ جو جج بڻائڻ جي منظوري ڏني وئي، اهڙي طرح سنڌ هاءِ ڪورٽ جي سينيئر جج صلاح الدين پنهور ۽ پشاور هاءِ ڪورٽ جي جسٽس شڪيل احمد کي به سپريم ڪورٽ ۾ جج مقرري جي منظوري ڏني وئي، جڏهن لاهور هاءِ ڪورٽ مان ججن کي سپريم ڪورٽ ۾ مقرر ڪرڻ جو معاملو ملتوي ڪيو ويو، سپريم ڪورٽ ۾ ٽيڪس ڪيسن جي وڌندڙ بار سبب جسٽس ميان گل حسن اورنگزيب کي سپريم ڪورٽ ۾ عارضي جج مقرر ڪرڻ جي منظوري ڏني وئي، سندس مقرري هڪ سال لاءِ ڪئي وئي آهي، ذريعن موجب جسٽس ميان گل حسن اورنگزيب کي مستقل ڪري سگهجي ٿو، سندس مقرري آرٽيڪل 181 تحت ڪئي وئي آهي، سپريم ڪورٽ جي سينيئر ججن جسٽس منصور علي شاهه ۽ جسٽس منيب اختر جڊيشل ڪميشن اجلاس جو بائيڪاٽ ڪيو، ٻئي جج اجلاس ۾ نه آيا، ان کانسواءِ ڪميشن ۾ پي ٽي آءِ جي ٻن ميمبرن بئريسٽر علي ظفر ۽ بئريسٽر گوهر خان به اجلاس جو بائيڪاٽ ڪيو، ٻن ججن ۽ اپوزيشن ميمبرن چيف جسٽس کي خط لکي اجلاس ملتوي ڪرڻ جي گهر ڪئي پر چيف جسٽس ڪنهن به خط جو جواب نه ڏنو، ٻي پاسي ميڊيا سان ڳالهائيندي بئريسٽر گوهر چيو ته 26هين آئيني ترميم خلاف درخواستن تي فيصلو ٿيڻ تائين جڊيشل ڪميشن جو اجلاس ملتوي ڪيو وڃي ها، اسان جي اعتراضن باوجود جڊيشل ڪميشن جو اجلاس ڪوٺايو ويو جنهن ڪري اسان ان جو حصو نه ٿياسين، هوڏانهن جوڊيشل ڪميشن جي اجلاس دوران وڪيلن جي احتجاج سبب اسلام آباد ۾ سڪيورٽي سخت ڪئي وئي شهر جا داخلي ۽ خارجي رستا بند ڪيا ويا، سپريم ڪورٽ وڃڻ لاءِ صرف مرگلا روڊ کوليو ويو، جيڪو به ٽريفڪ جي دٻاءُ سبب روڊ جام ٿي ويو، جنهن ڪري شهرين کي سخت پريشاني جو منهن ڏسڻو پيو، وڪيلن جي احتجاج ۽ ڇڪتاڻ واري صورتحال سبب پوليس جي اضافي نفري گهرائي وئي، سپريم ڪورٽ جي مک دروازي تي به اضافي اهلڪار مقرر ڪيا ويا، جن سپريم ڪورٽ جو دروازو به بند ڪري ڇڏيو، روڊن کي ڪنٽينر رکي بند ڪيو ويو، جڏهن ته ميٽرو بس سروس کي به محدود ڪيو ويو هو، ٻي پاسي 26هين ترميم ۽ نون ججن جي مقرري خلاف وڪيل ايڪشن ڪميٽي جي سڏ تي وڪيلن اسلام آباد جي ليجنڊ هوٽل وٽ گڏ ٿي احتجاج جي شروعات ڪئي، جنهن 26 ترميم نامنظور جي نعرن سان گڏ سنڌو درياهه تي ڌاڙو نامنظور، سنڌ جي زمينن تي قبضا نامنظور ، پاڻي تي ڌاڙو نامنظور ۽ ڪئنال سمورا نامنظور جا به نعرا هنيا ويا، ان موقعي تي وڪيل ايڪشن ڪميٽي جي اڳواڻ منير اي ملڪ چيو آهي ته 26 هين ترميم عدليا رياست پاڪستان تي حملو آهي، علي احمد ڪرد چيو آهي ته شرم اچڻ گهرجي انهن کي جن رات جو 2 وڳي 26 هين آئيني ترميم کي پاس ڪيو، اسان 26 هين آئيني ترميم کي نه ٿا مڃون، جوڊيشل ڪميشن جو اجلاس ملتوي ڪيو وڃي، جنهن کانپوءِ وڪيل ريلي جي شڪل ۾ ريڊ زون طرف وڌيا ته سرينا چوڪ تي پوليس کين روڪي ورتو جتي پوليس ۽ وڪيلن ۾ ڇڪريون ٿيون، وڪيل سپريم ڪورٽ وڌيا ته پوليس مٿن هلڪي لٺبازي ڪري کين پوئتي ڌڪي ڇڏيو، ان دوران هڪٻئي کي ڌڪا به ڏنا ويا، جنهن بعد وڪيلن سرينا چوڪ تي ڌرڻو هڻي سرينگر روڊ بند ڪيو ته پوليس کين اتان به ڀڄائي ڇڏيو، جنهن بعد وڪيل ڊي چوڪ پهچڻ ۾ ڪامياب ٿي ويا، ٻي پاسي اسلام آباد هاءِ ڪورٽ جا وڪيلن به بار صدر رياست علي جي اڳواڻي ۾ قافلي جي صورت ۾ نڪري احتجاج ۾ شريڪ ٿيا، جنهن بعد وڪيلن ڊي چوڪ تي ڌرڻو هنيو، ان دوران 26 هين ترميم نامظور جا نعرا هنيا ويا، پي ٽي آءِ جي سينيٽر ۽ وڪيل حامد خان الزام هنيو آهي ته هڪ آئوٽ آف ٽرن چيف جسٽس کي آندو ويو جنهن جو ٽريڪ رڪارڊ تمام خراب آهي، چيف جسٽس يحيٰ آفريدي حڪومت ۽ اسٽيبلشمينٽ جي ايجنڊا تي عمل ڪري رهيو آهي، هي چيف جسٽس عدالت کي ڊوگر ڪورٽ بڻائي رهيو آهي پر اهو گهڻو وقت نه هلندو، هن پنهنجي ٻن سينيئر ججن جي درخواست تي جوڊيشل ڪميشن جو اجلاس ملتوي نه ڪيو، چيف جسٽس سپريم ڪورٽ کي پوليس ٿاڻي ۾ تبديل ڪري ڇڏيو، جتي پوليس هئي، ان کان اڳ مارشلا ۾ به ايئن نه ٿيو آهي، حڪومت ان حد تائين اچي وئي جو وڪيلن تي لٺبازي ۽ شيلنگ ڪئي وئي، منير ملڪ ۽ علي احمد ڪرد کي پوليس ڌڪا ڏنا، ٻي پاسي سپريم ڪورٽ بار ايسوسيئيشن، پاڪستان بار ڪائونسل، پنجاب بار ڪائونسل، خيبرپختونخوا بار ڪائونسل، بلوچستان هاءِ ڪورٽ بار ۽ سنڌ هاءِ ڪورٽ بار ايسوسيئيشن گڏيل پڌرائي جاري ڪندي وڪيلن جي احتجاج جي مذمت ڪئي ۽ چيو ته وڪيلن ۾ شامل ڪجهه نام نهاد شرپسند پنهنجا مقصد ماڻڻ لاءِ ڏڦيڙ پيدا ڪرڻ چاهين ٿا، اسين چونڊيل جڊيشل ڪميشن جي ڪارروائي جي مڪمل حمايت ڪر
