واشنگٽن (ويب ڊيسڪ) اسرائيلي وزيراعظم نيتن ياهو ٻه رياستي حل رد ڪندي سعودي عرب اندر فلسطيني رياست ٺاهڻ جي تجويز ڏئي ڇڏي.
آمريڪا جي دوري دوران اسرائيلي ميڊيا کي انٽرويو ۾ نيتن ياهو چيو ته فلسطيني رياست جو قيام اسرائيل جي سلامتي لاءِ خطرو آهي، سعودي عرب پنهنجي ملڪ ۾ فلسطيني رياست ٺاهي سگهي ٿو، سعودي عرب وارن وٽ گهڻي زمين آهي.
هن چيو ته فلسطينين وٽ هڪ رياست هئي، جنهن جو نالو غزا هو، جيڪا حماس جي قبضي ۾ هئي ۽ 7 آڪٽوبر تي ڏسو ڇا ٿيو ۽ اسان کي ڇا مليو، تنهن ڪري اسان کي فلسطيني رياست قبول ناهي.
سندس وڌيڪ چوڻ هو ته سعودي عرب ۽ اسرائيل وچ ۾ امن ممڪن آهي ۽ مون کي لڳي ٿو ته اهو جلد ٿيڻ وارو آهي.
