ڪراچي ( رپورٽر )سنڌ جي سينئر وزير شرجيل انعام ميمڻ چيو آهي ته موجوده دور شعور ۽ رابطي جو دور آهي ۽ اڄ هر ماڻهو باشعور آهي. اسان چاهيون ٿا ته مين اسٽريم ميڊيا مضبوط هجي ۽ ميڊيا ٻين ادارن سان گڏجي عوام جي معاشري ۾ بهتري لاءِ قدم کڻي. پيپلز پارٽي ۽ سنڌ سرڪار سدائين صحافت جي آزادي سان گڏ رھي آھي. رڳو اظھار راءِ جي آزادي سان ئي غلط خبرن جي ڪلچر کي ختم ڪري سگهجي ٿو. سنڌ جو سينئر وزير ۽ اطلاعات ۽ ٽرانسپورٽ وارو صوبائي وزير شرجيل انعام ميمڻ ڪراچي پريس ڪلب جي نئين چونڊيل باڊي جي دعوت تي ڪراچي پريس ڪلب پهتو. ڪراچي پريس ڪلب پهچڻ تي ڪراچي پريس ڪلب جو صدر فاضل جميلي، جنرل سيڪريٽري محمد سهيل افضل، جوانئٽ سيڪريٽري محمد منصف موجود هئا. خزانچي عمران ايوب، گورننگ باڊي جي ميمبرن حفيظ بلوچ، منظور شيخ ۽ ٻين سندس آجيان ڪئي. ان موقعي تي سيڪريٽري اطلاعات نديم الرحمان ميمڻ، ڊي جي اطلاعات سليم خان ۽ اطلاعات کاتي جا ٻيا آفيسر پڻ موجود هئا. ڪراچي پريس ڪلب جي نون چونڊيل عهديدارن سنڌ جي سينئر وزير شرجيل انعام ميمڻ جي اعزاز ۾ مانجھاندو ڏنو. ميڊيا سان ڳالهائيندي، سنڌ جي سينئر وزير شرجيل انعام ميمڻ چيو ته هو ڪراچي پريس ڪلب جي عھديدارن جو شڪرگذار آهي جن کيس دعوت ڏني. پاڪستان پيپلز پارٽي ماحول دوست اليڪٽرڪ بسون متعارف ڪرائي رهي آهي ۽ اي وي ٽيڪسي سروس شروع ڪرڻ جي حوالي سان روزانو جي بنياد تي اجلاس ٿي رھيا آهن. اسان چاهيون ٿا ته پنڪ ۽ اي وي ٽيڪسيون جلد شروع ڪيون وڃن. هن چيو ته سنڌ حڪومت عورتن لاءِ پنڪ اسڪوٽيز پڻ شروع ڪرڻ وڃي رھي آهي. پنڪ اسڪوٽي شروع ڪرڻ جو مقصد عورتن کي بااختيار بڻائڻ آھي. سينئر وزير شرجيل انعام ميمڻ چيو ته شاهراهه ڀٽو ايڪسپريس وي ڊسمبر تائين 39 ڪلوميٽر تائين مڪمل ٿي ويندو . هڪ سوال جي جواب ۾ سينئر وزير شرجيل انعام ميمڻ چيو ته ڪينالن واري معاملي تي سنڌ سرڪار جو هڪ مضبوط ۽ واضح موقف اچي چُڪو آهي. پيڪا قانون بابت هڪ ٻئي سوال جي جواب ۾ هن چيو ته پيپلز پارٽي اظهار راءِ جي آزادي جي سڀ کان وڏي حامي آهي، پر ڪوڙ پکيڙيندڙن کي روڪڻ جو ڪھڙو حل آهي؟ هڪ ٻئي سوال جي جواب ۾ سينئر وزير شرجيل انعام ميمڻ چيو ته پيپلز پارٽي سمجھي ٿي ته ڳالهيون ٿيڻ گهرجن. عمران خان جي حڪومت دوران پشاور بي آر ٽي ۾ 7 ارب رپين جي رشوت ورتي وئي، بي آر ٽي ۾ رشوت جي جاچ روڪڻ لاءِ اسٽي ورتو ويو. ثاقب نثار جهڙن اسپانسرز ذريعي بني گالا کي ريگيولرائز ڪريو ويو. شرجيل انعام ميمڻ چيو ته ملڪ جي چئني صوبن مان سڀ کان وڌيڪ تعليم يافته ۽ اسمارٽ وڏو وزير سنڌ جو مراد علي شاهه آهي. سنڌ جو وڏو وزير ڏينهن رات ڪم ڪري ٿو. ٽڪ ٽاڪر ۽ وي لاگرز ڳالھيون ڪندا رھندا آھن، مراد علي شاهه سٺو ڪم ڪري رهيو آهي، سندس تسلسل رهڻ گهرجي، سنڌ جو وڏو وزير سٺو ڪم ڪري رهيو آهي ته پوءِ کيس ڇو تبديل ڪيو ويندو؟هڪ ٻئي سوال جي جواب ۾ سينئر وزير شرجيل انعام ميمڻ چيو ته پيپلز بسن ۾ مسافرن کي سبسڊي ذريعي رعايتون ملي رهيون آهن، حڪومت گھڻو ڀاڙو نه پئي وٺي ۽ سبسڊي گهٽائي رهي آهي. اسان صوبائي ڪابينا کي پيپلز بس لاءِ سبسڊي ختم ڪرڻ يا گهٽائڻ جي تجويز ڏني. اسان بچت ٿيندڙ پئسن سان وڌيڪ بسون خريد ڪنداسين. سنڌ جي اطلاعات ۽ نشريات واري وزير شرجيل انعام ميمڻ ڪراچي پريس ڪلب جو دورو ڪيو. صدر فاضل جميلي ۽ سيڪريٽري سهيل افضل خان پاران شاندار استقبال ڪيو. سيڪريٽري ڪراچي پريس ڪلب ترقياتي منصوبن جي حل نه ٿيل مسئلن جي نشاندهي ڪرڻ سميت ڪراچي پريس ڪلب جي ميمبرن لاءِ 700 پلاٽ، ايم ڊي اي ۾ 80/20 فارمولي سيمت ايل ڊي اي ۾ موٽيويشن شامل آهن. ان موقعي تي اطلاعات ۽ نشريات کاتي جي سيڪريٽري نديم خان کي هدايت ڪئي ته ان حوالي سان کيس ڏانھن ليٽر لکي موڪليو وڃي.
