ممبئي (ويب ڊيسڪ) ڀارتي اداڪار يوگيش مهاجن دل جي دوري سبب ديهانت ڪري ويو.
پرڏيهي ميڊيا رپورٽس موجب، ڀارتي اداڪارا ڊراما سيريل شيو شڪتي ۾ مک ڪردار ادا ڪري رهيو ۽ کيس شوٽنگ لاءِ پهچڻو هو پر هو نه آيو ۽ انڪري شوٽنگ ڪئنسل ڪرڻي پئي.
رپورٽس ۾ ڄاڻايو ويو آهي ته ڪريو ميمبرن اداڪار کي فونون ڪيون پر ان جو جواب نه آيو، جنهن تي عملو سندس گهر پهچي ويو ۽ در کڙڪائڻ باوجود جڏهن ڪير به نه آيو ته هو دروازو ٽوڙي اندر داخل ٿيا ته هو مئل حالت ۾ هٿ آيو.
اداڪار کي اسپتال نيو ويو جتي ڊاڪٽرن دل جي دوري سبب سندس موت جي تصديق ڪئي.
يوگيش جي اوچتي وڇوڙي ت ڊراما انڊسٽري ۾ سوڳ وارو ماحول آهي ۽ ڪيئي شوبز شخصيتن افسوس ۽ ڏک جو اظهار ڪيو آهي.
ياد رهي ته يوگيش مهاجن ڪيئي مشهور ٽي وي ڊرامن ۽ مراٺي فلمن ۾ ڪم ڪيو، هو ممئي ۾ رهندڙ هو.
