لاهور (ويب ڊيسڪ) ماڊل ۽ اداڪارا ميرب علي چيو آهي ته هوءَ هڪ طرفي محبت ۾ يقين نٿي رکي نه ئي ڪڏهن کيس اهڙي محبت ٿي آهي.
ميرب علي ويجهڙ ۾ نجي ٽي وي چئنل جي پروگرام ۾ خاص مهمان طور شرڪت ڪئي جتي هن ذاتي زندگيءَ سميت مختلف معاملن تي تفصيلي ڳالهايو.
پروگرام دوران هن ٻڌايو ته ڪجهه عرصو اڳ هن پنهنجي گهر ۾ جنات جي موجودگيءَ بابت جيڪا وڊيو ٺاهي هئي اُها حقيقي هئي، سندس گهر ۾ واقعي جن يا نظر نه ايندڙ مخلوق رهي ٿي.
اداڪارا جو چوڻ هو ته سندس وڊيو وائرل ٿيڻ کانپوءِ هاڻي ڪو به گهر خريدڻ لاءِ تيار ناهي، پر هن جيڪي ڳالهيون ڪيون اُهي سچيون هيون.
هڪ سوال جي جواب ۾ ميرب علي ٻڌايو ته هن ننڍي عمر ۾ گلوڪار سجاد علي جي گيت ۾ ماڊلنگ ذريعي شوبز انڊسٽريءَ ۾ قدم رکيو هو.
محبت ۽ شادي واري معاملي تي ڳالهائيندي هن چيو ته هوءَ هڪ طرفي محبت تي يقين نٿي رکي، اهڙي محبت ڪرڻ ئي نه گهرجي، اهڙي محبت جو ڪهڙو فائدو جيڪا عزت نه ڏي.
سندس چوڻ هو ته ٻطرفي محبت سٺي هوندي آهي ۽ جڏهن ته ڪنهن کي به اهڙي محبت ٿئي ته اهڙن ماڻهن کي ترت شادي ڪري ڇڏڻ گهرجي.
