اسلام آباد(بيورو رپورٽ) اسلام آباد هاءِ ڪورٽ 3 ارب 20 ڪروڙ رپين جي سيلز ٽيڪس فراڊ ڪيس ۾ شريڪ جوابدار شاهد حسين خواجا جي 100 رپين جي مچلڪن عيوض ضمانت منظور ڪري ورتي. هاءِ ڪورٽ ٽيڪس کاتي جي شريڪ جوابدار شاهد حسين خلاف فوجداري ڪارروائي کي اختيار جو غلط استعمال قرار ڏئي ڇڏيو. اسلام آباد هاءِ ڪورٽ جي جسٽس بابر ستار عدالتي فيصلي جي ڪاپي چيئرمين ايف بي آر کي موڪلڻ جو به حڪم ڏنو. عدالتي فيصلي موجب ٽيڪس ڊپارٽمينٽ پنهنجا اختيار ختم ڪري فوجداري ڪارروائي شروع ڪئي. درخواست ڪندڙ جي وقار ۽ برابري جي آئيني حقن جي ڀڃڪڙي ڪئي وئي، ۽ ٽيڪس اختيارين قائم ڪيل قانون جي ڀڃڪڙي ڪئي. اسلام آباد هاءِ ڪورٽ جي فيصلي ۾ لکيو ويو آهي ته اها شرم جي ڳالهه آهي ته ريمانڊ مئجسٽريٽ ۽ عدالت ضمانت رد ڪندي سيلز ٽيڪس ايڪٽ جي شقن کي نظر ۾ نه رکيو.ماتحت عدالت بنيادي آئيني حقن جي حفاظت ڪرڻ بدران ٽيڪس کاتي جي غلط ڪمن جي واکاڻ ڪئي.
