لاهور (ويب ڊيسڪ) پي ٽي آءِ جي احتجاج سبب اسلام آباد، راولپنڊي ۽ لاهور ۾ پيٽروليم شين جي کوٽ جو خدشو پيدا ٿي ويو.
پيٽروليم ڊويزن طرفان لکيل خط ۾ ٻڌايو ويو آهي ته پي ٽي آءِ جي احتجاج سبب اسلام آباد، راولپنڊي ۽ لاهور ۾ پيٽروليم شين جي سپلاءِ چين متاثر ٿيڻ جو خدشو آهي، لاڪ ڊائون جي صورتحال ۾ پيٽروليم شين جي بنا وقفي فراهمي لاءِ قدم کنيا وڃن.
پيٽروليم ڊويزن طرفان چيف سيڪريٽري پنجاب، چيف ڪمشنر اسلام آباد ۽ راولپنڊي کي خط لکيو ويو آهي، اٽڪ آئل ريفائنري کي ڪچو تيل کڻي وڃڻ، پيٽروليم شيون آڻيندڙ ٽينڪرن، گاڏين جي اچ وڃ، پهچ محدود ٿي وئي.
پيٽروليم ڊويزن چيو آهي ته پيٽروليم شين جي سپلاءِ ۾ رنڊڪون اچي رهيون آهن، ان سلسلي ۾ اوگرا به ضلعي انتظاميا سان رابطي ۾ آهي، انتظاميا کان متاثر شهرن ۾ پيٽروليم شين جي بنا وقفي فراهمي جي درخواست، موجوده صورتحال کي منهن ڏيڻ لاءِ هڪ گڏيل منصوبو جوڙڻ جي درخواست ڪئي وئي آهي.
