ڪراچي( ويب ڊيسڪ ) ڪراچي ۾ 19 کان 22 نومبر تائين شاهراهه فيصل ۽ ڪارساز جي ڀرپاسي وارن علائقن ۾ اسڪول بند رکڻ جي سفارش ڪئي وئي آهي.
ڪراچيءَ ۾ عالمي نمائش جي حوالي سان سيڪيورٽي انتظامن کي نظر ۾ رکندي ڊي آءِ جي ٽريفڪ طرفان ڪمشنر ڪراچي کي 19 کان 22 نومبر تائين شاهراهه فيصل ۽ ڪارساز جي ڀرپاسي قائم اسڪول بند رکڻ لاءِ خط لکيو ويو آهي.
ڊي آءِ جي ٽريفڪ احمد نواز چيما طرفان لکيل خط ۾ شاهراهه فيصل ۽ ڪارساز جي ڀرپاسي سمورا اسڪول 4 ڏينهن تائين بند رکڻ جي درخواست ڪئي وئي آهي.
خط ۾ وڌيڪ چيو ويو آهي ته اسڪول کلڻ سان ٽريفڪ جي رواني متاثر ٿئي ٿي، اسڪولن جي بندش سان نمائش دوران ٽريفڪ جي رواني بهتر ٿي سگهي ٿي.
