ميلبرن (ويب ڊيسڪ) قومي ڪرڪيٽ ٽيم جي ڪپتان محمد رضوان چيو آهي ته اسان لاءِ پاڪستان سڀ کان اڳ آهي، جيڪو پليئر بهتر هوندو اهو ئي ٽيم جو حصو هوندو.
ميلبرن ڪرڪيٽ گرائونڊ ۾ پريس ڪانفرنس ڪندي محمد رضوان چيو ته ماضي ۾ جيڪو ڪجهه ٿيو ان کي وساري اڳتي وڌڻو آهي، مان مشاورت سان هلڻ وارن مان آهيان، نوجوان رانديگرن کان به مشورا وٺندو آهيان، هاڻ جيڪي نوجوان رانديگر آيا آهن، انهن وٽ به موقعا آهن.
هن چيو ته بابر اعظم، شاهين آفريد ي ۽ نسيم شاهه جون پاڪستان لاءِ وڏيون خدمتون آهن، هر رانديگر تي برو وقت ايندو آهي، مان جيترو ٿي سگهيو انهن کي سپورٽ ڪندس.
سندس چوڻ هو ته مون لاءِ سڀ ڪپتان آهن، جيڪڏهن ڪنهن کي لڳي ٿو ته ان وٽ ڪجهه سٺو آهي ته مون سان شيئر ڪري سگهي ٿو.
محمد رضوان چيو ڪو شڪ ناهي ته فينز اسان مان مايوس آهن، پاڪستان ٽيم جي ڪارڪردگي تي فينز ٿورا ناراض ضرور آهن پر اسان کي سڄي دنيا ۾ پاڪستاني فينز سپورٽ ڪندا آهن ۽ هاڻ انهن کي مايوس نه ڪنداسين.
