لاهور (ويب ڊيسڪ) لاهور ۾ سموگ کي ڏسندي هڪ هفتي لاءِ پرائمري تائين اسڪول بند رکڻ جو اعلان ڪيو ويو آهي.
انوائرنمينٽ پروٽيڪشن اٿارٽي طرفان لاهور ۾ سموگ سبب هڪ هفتي لاءِ پرائمري تائين اسڪول بند ڪرڻ جو نوٽيفڪيشن جاري ڪيو ويو آهي.
جاري ڪيل نوٽيفڪيشن موجب لاهور ۾ نرسري کان پنجين جماعت تائين اسڪول 4 کان 9 نومبر تائين بند رهندا.
ان حوالي سان پنجاب جي سينيئر وزير مريم اورنگزيب چيو ته ايندڙ سڄو هفتو ڀارت مان هوا جو رُخ لاهور ڏانهن رهندو، ڀارتي هوا کي نه روڪي سگهون ٿا نه موڙي سگهون، واحد حل ڊائلاگ آهي، ڀارت سان ڳالهه ٻولهه لاءِ 4 نومبر تي پرڏيهي وزارت کي خط لکنداسين.
