ڪراچي(عوامي آواز نيوز) سکر جي علائقي سنگرار مان اغوا ٿيل ٻارڙي پريا ڪماري جي ڪيس ۾ گرفتار جوابدار ڪرم سندراڻي سکر پوليس جي حراست دوران مبينا فرار ٿي ويو آهي، جنهن تي ڪچي ۾ ڌاڙيلن جشن ملهايو ۽ خوشي ۾ فائرنگ ڪئي، مبينا فرار ڄاڻايل جوابدار ڪرم سندراڻي کي 2 هفتا اڳ پريا ڪماري جي آزادي بابت جوڙيل جي آءِ ٽي جي ميمبر ايس ايس پي لاڙڪاڻو روحل کوسو حراست ۾ ورتو هو، جنهن کي رات دير سان فرار ڪرايو ويو، ذريعن موجب ڪرم سندراڻي کي فرار ڪرائڻ ۾ هڪ ڪروڙ رپيا رشوت ورتي وئي، ڌاڙيل کي فرار ڪرائڻ واري ڊيل ۾ هڪ سياسي بااثر جو اهم ڪردار ٻڌايو وڃي ٿو، ذريعن موجب مبينا فرار ٿيل جوابدار ڪرم سندراڻي ڪچي ۾ پهچي ويو، ان دوران ڌاڙيلن جشن ملهائي خوشي ۾هوائي فائرنگ ڪئي.
