اسلام آباد ( ويب ڊيسڪ ) پاڪستان تحريڪِ انصاف ( پي ٽي آءِ ) ايڊهاڪ ججن جي مقرريءَ کي رد ڪري ڇڏيو.
پي ٽي آءِ چيئرمين بئريسٽر گوهر پنهنجي بيان ۾ چيو آهي ته سپريم ڪورٽ ۾ ايڊهاڪ ججن جي مقرري بدنيتي تي ٻڌل آهي.
هن چيو ته ايڊهاڪ ججن جي مقرريءَ وارو معاملو سپريم جڊيشل ڪائونسل ۾ اُماڻي رهيا آهيون، ان فيصلي جو مقصد پنهنجا هم خيال جج مقرر ڪرڻ آهي.
پي ٽي آءِ چيئرمين وڌيڪ چيو ته ججن جي معاملي کي تڪراري نه بڻايو وڃي.
