ڪراچي ( ويب ڊيسڪ ) ڀارت هٿان ٽي ٽوئنٽي ورلڊ ڪپ جي سڀ کان وڏي ميچ ۾ شڪست کانپوءِ پاڪستان جي ايندڙ مرحلي تائين پهچڻ جو سفر ڏکيائين جو شڪار ٿي ويو آهي.
لاڳيتو ٻه ميچون هارائڻ کانپوءِ ٽيم جي سپر اٺ مرحلي تائين پهچ ٻين ٽيمن جي نتيجن تي دارومدار رکي ٿي، پاڪستان کي ايندڙ مرحلي ۾ پهچڻ لاءِ نه رڳو پنهنجون ٻه ميچون کٽڻيون پونديون پر اِها اميد پڻ ڪرڻي پوندي تي آمريڪا ٻئي ميچون هارائي وڃي.
پاڪستان جون ايندڙ ٻه ميچون ڪئناڊا ۽ آئريلينڊ خلاف شيڊيول آهي جڏهن ته آمريڪا کي ڀارت ۽ آئرلينڊ سان مقابلو ڪرڻو آهي.
جيڪڏهن آمريڪي ٽيم ٻنهي مان هڪ ميچ کٽي وئي ته سپر ايٽ لاءِ ڪواليفاءِ ڪري وٺندي، آمريڪا جي خلاف آئرلينڊ ۽ ڀارت جي فتح جي صورت ۾ پاڪستان آئرلينڊ ميچ ناڪ آئوٽ هوندي.
T20Worldcup2024 Pakistancricketteam IndvsPak
