نصرالله گڏاڻي کي سچ لکڻ ۽ ڳالهائڻ تي شهيد ڪيو ويو: صدر ڪراچي پريس ڪلب

ڪراچي ( رپورٽر ) ڪراچي پريس ڪلب جي صدر سعيد سربازي پاران ڪراچي جي مقامي  اسپتال ۾ ڪراچي جي مقامي اسپتال ۾ لاڏاڻي تي گهري ڏک ۽ افسوس جو اظهار ڪيو ويو آهي ان موقعي تي سيڪريٽري جنرل شعيب احمد، نائب صدر عبدالرشيد ميمڻ ۽ ايگزيڪيوٽو ڪائونسل جي ميمبرن چيو ته گهوٽڪي مان عوامي آواز جي رپورٽر نصرالله گڏاڻي کي سچ لکڻ ۽ ڳالهائڻ تي گوليون هڻي شهيد ڪيو ويوھو، ڏانھن ڪراچي يونين آف جرنلسٽس جو هنگامي اجلاس صدر يوسي طاهر حسن خان جي صدارت هيٺ ٿيو، جنهن ۾ نامعلوم قاتلن جي هٿان شهيد نصرالله گڏاڻي جي شهادت تي ڏک جو اظهار ڪيو ويو. جنهن ۾ جنرل سيڪريٽري سردار لياقت ڪشميري، وائيس چيئرمين وارث رضا، جوائنٽ سيڪريٽري نعمت الله بخاري، عمران جونيئر، خزين محمد ناصر، ايگزيڪيوٽو ڪائونسل جي ميمبرن ثروت جبن، اختر شيخ، رضوان احد، ابوالحسن، ملڪ آفتاب ۽ پي ايف يو جي، جي وائيس چيئرمين صنعان ميمڻ شرڪت ڪئي. خورشيد عباسي، خزين لالا اسد پٺاڻ ۽ سينيئر صحافين آغا خالد، ارباب چانڊيو ۽ چند نواب شرڪت ڪئي.   ڪي يو جي جي صدر طاهر حسن خان نصرالله گڏاڻي تي قاتلاڻي حملي کانپوءِ کيس ڪراچي جي خانگي اسپتال منتقل ڪرڻ لاءِ ڪيو ويو،ڪي يو جي جي ڪوششن جي باري ۾ ڳالهايو. اجلاس ۾ سنڌ حڪومت ۽ شهيدن جي تنظيم عوامي آواز کان مطالبو ڪيو ويو ته شهيدن جي وارثن کي 10 لک معاوضو ڏنو وڃي ته جيئن شهيد جا 4 ٻار ۽ بيواهه آساني سان زندگي گذاري سگهن. اجلاس ۾ اهو به فيصلو ڪيو ويو ته شهيد نصرالله گڊاني جي قاتلن جي گرفتاري لاءِ 25 مئي بروز ڇنڇر شام 4 وڳي احتجاج ڪيو ويندو.

ڪي يو جي ان ڳڻتي جو اظهار ڪندي چيو ته سنڌ جا صحافي عدم تحفظ جو شڪار آهن، صحافين جي تحفظ لاءِ قائم ڪيل سنڌ جرنلسٽس پروٽيڪشن ڪميشن مڪمل طور تي غير فعال آهي. اجلاس ۾ سنڌ جرنلسٽس پروٽيڪشن ڪميشن جي بحالي جو مطالبو ڪندي سکر ۾ سنڌ جي صحافين جو ڪنوينشن منعقد ڪرڻ جو فيصلو ڪيو آهي.

1. نصرالله گڏاڻي هڪ بهادر ۽ بي خوف صحافي هو: ڪميونسٽ پارٽي اڳواڻ ڪامريڊ اقبال

حيدرآباد(رپورٽر) ڪميونسٽ پارٽي آف پاڪستان صوبائي ڪميٽي سنڌ جي سيڪريٽري  ڪامريڊ اقبال چيو آھي تھ نصرالله گڏاڻي هڪ بهادر ۽ بي خوف صحافي هو، عوام جي ترجماني ڪندي جاگيردارن ۽ سرڪاري وڏيرن جي خلاف جنهن بهادري سان حقيقي صحافي جو ڪردار ادا ڪندي شهادت ماڻي، ڪميونسٽ پارٽي کيس سرخ سلام پيش ڪري ٿي.  17

1. لاڙڪاڻي جي صحافين سميت سياسي سماجي ڌرين ۾ ڏک جي لهر

لاڙڪاڻو (رپورٽ: عبدالوحيد ابڙو) لاڙڪاڻي شھيد صحافي نصرالله گڏاڻي جي موت واري خبر بعد لاڙڪاڻي ۾ صحافين سميت سياسي سماجي ڌرين ۾ ڏک جي لھر ڇانئجي وئي جنھن ۾ صحافين پاران واقعي جي سخت لفظن ۾ مذمٿ ڪرڻ سان گڏ قاتلن کي گرفتار ڪرڻ جو مطالبو ڪيو ويو ان حوالي سان قائد عوام پريس ڪلب لاڙڪاڻو  ۽ سنڌ صحافي  سنگت جي اڳواڻن صدر عبدالوحيد ابڙو آزاد اياز چانڊيو مجاھد  علي ڪھلوڙو انور علي ابڙو منصور موريو شاھد دلبر عبدالھادي ڀنگر امير بخش لاڙ حسين بخش ابڙو محمد موسىٰ مستوئي نظير ٿھيم فاروق چانڊيو  عرفان علي ابڙو ٻين چيو ته اڃا شھيد جان محمد مھر جو رت ئي خشڪ نه ٿيو ھو ته مٿان وري نصرالله گڏاڻي کي سچ لکڻ تي شھيد ڪيو ويو آھي جنھن جي سخت لفظن ۾ مذمت ڪجي ٿي.

1. سنڌ ۾صحافين کي سچ چوڻ تي قتل ڪيو ويندو آهي: ڪامران ٽسوري

ڪراچي(رپورٽر) عوامي آواز جي رپورٽر شهيد نصر الله گڏاڻي جي قتل تي سنڌ جي گورنر ڪامران ٽيسوري به افسوس جو اظهار ڪندي مرحوم جي وارثن ۽ اداري لاءِ تعزيتي پيغام جاري ڪيو.گونر سنڌ ڪامران ٽيسوري چيو ته نصر الله گڏاڻي هڪ بهادر صحافي هو، هن جا وڊيوز ڏسي بهادري جو اندازو لڳائي سگهجي ٿو. هن جو چوڻ هو ته نصر الله گڏاڻي جي قتل ۾ ملوث جوابدار بزدل آهن، جيڪي پاڻ مٿان تنقيد برداشت نٿا ڪري سگهن. ڪامران ٽيسوري ٻڌايو ته ملڪ ۾ اظهار جي آزادي جا قانون موجود آهن پر سنڌ ۾ صحافين کي سچ چوڻ تي قتل ڪيو ويندو آهي.

1. مڙهه پهچڻ تي هزارين ماڻهو گڏ ٿي ويا

ميرپورماٿيلو؛ شهيد صحافي نصرالله گڏاڻي جو مڙھ جڏهن ميرپورماٿيلو جي ڊي ايڇ ڪيو اسپتال پهتو ته هزارين ماڻهو گڏ ٿي ويا ۽  کيس گلن جي ورکا ڪئي وئي، ۽ آخري ديدار پُڻ ڪيو ويو..

1. شهيد کي چار پٽ ۽ ٻن نياڻين  جو اولاد

ميرپورماٿيلو؛ شهيد صحافي نصرالله گڏاڻي کي 4 پُٽ ۽ ٻه نياڻين جي اولاد

آهي، ۽ هن جا چار پٽ ، ٻه نياڻيون ۽ هڪ بيواھ سوڳوار ۾ آهن..