ڪنڌڪوٽ (رپورٽ: ممتازسنڌي)ڪرمپور ناپرڪوٽ ٿاڻي جي حد مان 15 ڏينهن اڳ قتل ٿي ويل بجاراڻي برادري جي ٻن نوجوانن غلام حيدر بجاراڻي ۽ عبدالرشيد بجاراڻي جي وارثن پاران انڊس هاءِ وي ڪرمپور لاڙي تي ٽائرن کي باهيون ڏئي روڊ بند ڪري ڇڏيو ، قتل ٿي ويل ٻنهي نوجوانن جي وارثن احسان ، مولا بخش ،ڪريم خان بجاراڻي ۽ ٻين جي اڳواڻي ۾ انڊس هاءِ وي تي ڌرڻو پوليس خلاف سخت نعريبازي ڪئي وئي ، وارثن جو چوڻ آهي ته اسان جا ٻئي نوجوان گهر واپس اچي رهيا هئا ته ايس ايڇ او ناپرڪوٽ طارق عباس سولنگي ، ۽ ان جي ٽيم ٻنهي نوجوانن کي گوليون هڻي قتل ڪري ڇڏيو ، انهن جو چوڻ آهي ته بيگناھ قتل ٿي ويل نوجوانن جو ڪيس ايس ايڇ او ناپرڪوٽ طارق عباس سولنگي مٿان ڪيس داخل ڪيو وڃي ٻئي صورت احتجاج جاري رهندو.
