پاڪستان ڪرڪيٽ ٽيم جي مڊل آرڊر بيٽر افتخار احمد چيو آهي ته اسان پنهنجي صلاحيتن جي حسان سان پرفارمنس نه ڏئي سگهيا آهيون.
آئرلينڊ خلاف پهرين ٽي ٽوئنٽي مئچ ۾ هار جي حوالي سان افتخار احمد چيو ته منهنجي جڏهن بيٽنگ آئي ته اسڪور جي ضرورت هئي، پرفارمنس ذريعي ئي اعتماد ۾ اضافو ٿيندو آهي.
افتخار احمد چيو ته مون بيٽنگ سٺي ڪئي انڪري منهنجي اعتماد ۾ اضافو ٿيو، فيلڊنگ ۾ ڪيچ ڊراپ ٿڪيا ۽ بائونڊريون به ڇڏائجي ويون.
هن ٻڌايو ته اڃا 2 مئچون بقايا آهن. پاڪستان ڪم بيڪ ڪري وٺندو، ورلڊ ڪپ تائين پرفارمنس ڏيڻ جي ڪوشش ڪنداسين.
پاڪستاني مڊل آرڊر بيٽر وڌيڪ چيو ته انگلينڊ ۽ آئرلينڊ خلاف سيريز کٽي ورلڊ ڪپ ۾ بهتر ڪارڪردگي ڏيکارڻ جي ڪوشش ڪنداسين.
