ڪراچي (ويب ڊيسڪ) برطانيا پاران عورتن جي عالمي ڏهاڙي جي مناسبت سان ٽيڪنالاجي، واپار ۽ ڪاروبار ۾ عورتن جي ڪاميابين کي اجاڳر ڪرڻ سان گڏوگڏ چئلينجز تي پڻ بحث ڪيو ويو.
هن سالن عورتن جو عالمي ڏهاڙو ”عورتن ۾ سيڙپ ۽ ترقي ۾ تيزي رکيو ويو هو جنهن تحت اسلام آباد ۾ ٽريڊ فيئر ٿي گذريو.
ان موقعي تي عورت صنعتڪارن آرٽيفيشل انٽيليجنس، ميڊيڪل ٽيڪنالاجي ۽ سمارٽ ايپس تي پنهنجي ڪم جو مظاهرو ڪيو.
لاهور جي شاگردياڻي امام نادر کي هن ڏهاڙي لاءِ امبيسڊر چونڊيو ويو جيڪا هاءِ ڪمشنر جي مصروفيتن ۾ ساڻس گڏ رهي.
برطانوي هاءِ ڪمشنر، جين ميريئٽ سي ايم جي او بي اِي ته برطانيه ۽ پاڪستان صنفي برابري لاءِ گڏجي ڪم ڪري رهيا آهن. اها اسان جي سڀني ڪمن ۾ پهرئين ترجيح آهي. پاڪستان جي معيشت جي ترقي ۾ عورتن جي معاشي ترقي اوتري ئي اهم آهي.
ان ڳالهه جا مضبوط ثبوت آهن ته عورتن ۽ ڇوڪرين ۾ سيڙپ ڪرڻ ۽ پيش ايندڙ رنڊڪن کي ٽوڙڻ ترقي کي هٿي ڏئي ٿو. جيڪڏهن مردن جيان عورت پورهيت به هڪ جيتريون هجن ته اندازي موجب عالمي جي ڊي پي ۾ 26 سيڪڙو يا 28 ٽريلين ڊالر جي واڌ ٿيندي.
