غزا (ويب ڊيسڪ) اسرائيل فرانس جي انسٽيٽيوٽ ۽ پريس آفيس تي به هوائي حملا ڪري ڇڏيا.
فرانسيسي پرڏيهي وزارت جو چوڻ آهي ته اسرائيل غزا ۾ قائم دي فرنچ انسٽيٽيوٽ تي حملو ڪيو پر خوش قسمتي سان اتي موجود ڪنهن به عملي جي زخمي ٿيڻ جا اطلاع ناهن مليا.
پرڏيهي وزارت جو چوڻ هو ته هنن اسرائيلي اختيارين کان پنهنجي انسٽيٽيوٽ تي حملي جو ٺوس سب پڇيو آهي.
فرانسيسي پرڏيهي وزارت جو چوڻ هو ته غزا پٽي تي قائم اي ايف پي جي آفيس تي به حملو ڪيو ويو آهي جنهن سان آفيس کي شديد نقصان پهتو جڏهن ته آفيس جي عملي کي 13 آڪٽوبر تي اتان منتقل ڪيو ويو هو.
The @AFP bureau in the Gaza Strip, which has been relentlessly bombed by Israel, was significantly damaged by a strike on the building, according to a staff member who visited the site. [1/5] pic.twitter.com/a5sO7NrN38
— AFP News Agency (@AFP) November 3, 2023
سوشل ميڊيا جي ويب سائيٽ ايڪس تي اي ايف پي حملي جي وڊيو جاري ڪندي ڀرپور مذمت به ڪئي آهي.
ان کانسواءِ هڪ بيان ۾ فرانس جي پرڏيهي وزارت غزا ۾ متاثرن جي انگ تي ”شديد ڳڻتي“ جو اظهار به ڪيو آهي.
