لنڊن (ويب ڊيسڪ) ماهرن چيو آهي ته روز ٿورا خشڪ ميوا کائڻ سان ڊپريشن جو خطرو 17 سيڪڙو گھٽجي ويندو آهي.
برطانيا جي بائيوبينڪ جيڪو تقريبن 5 لک برطانوي شهرين جي طبي طرز زندگي جي رڪارڊ جو هڪ آن لائين ڊيٽا بيس آهي، جنهن جي تحقيق تجويز ڪري ٿي ته اڌ عمر ۽ وڏي عمر جا بالغ ماڻهو جيڪي روز 30 گرام خشڪ ميوا کائيندا آهن، انهن ۾ ذهني دٻاءُ جو خطرو گھٽ هوندو آهي.
خشڪ ميون ۾ اخروٽ، بادام، ڪاجو، هيزل نٽ ۽ پستا وغيرا شامل آهن. ماهرن ٻڌايو ڄاتو ته خشڪ ميوا کائڻ جو معمول بڻائيندڙ ماڻهن ۾ antidepressants دوائون استعمال ڪرڻ جو به گھٽ امڪان هوندو آهي.
ڄاڻايل مطالعو جرنل ڪلينيڪل نيوٽريسن ۾ ڇپيل آهي. جيتوڻيڪ ان جي وضاحت ناهي ڪئي وئي ته ائين ڇو ٿيندو آهي، محققن جي اڳڪٿي آهي ته خشڪ ميون جون سوڄ ختم ڪندڙ ۽ اينٽي آڪسيڊنٽ خاصيتون امڪاني طور تي حفاظتي اثر رکن ٿا.
