اسلام آباد (م ڊ) چيف جسٽس پاڪستان قاضي فائز عيسيٰ فيض آباد ڌرڻي ڪيس ۾ ڪيس جي فيصلي تي عملدرآمد ٿيڻ تي سوال اُٿاريندي چيوته فيض آباد ڪيس جي فيصلي تي عمل ڇو نه ٿيو؟ سڀ ايترا ڊنل ڇو آهن؟. سُپريم ڪورٽ ۾ چيف جسٽس پاڪستان قاضي فائز عيسيٰ جي سربراهي ۾ جسٽس طهر من الله ۽ جسٽس امين الدين خان تي ٻڌل ٽي رڪني بئنچ فيض آباد ڌرڻي جي نظرثاني ڪيس جي ٻڌڻي ڪئي ، پر ان کان اڳ ڌرين نظرثاني درخواستون واپس وٺي ڇڏيون آهن. پيمرا ۽ انٽيليجنس بيورو کانپوءِ هاڻي وفاق به نظرثاني درخواست واپس وٺڻ جو فيصلو ڪيو آهي جنهن جي تصديق اٽارني جنرل ڪئي. وفاق بچاءَ واري وزارت ذريعي نظرثاني درخواست داخل ڪئي هئي پر هاڻ اٽارني جنرل عثمان منصور چيو ته فيض آباد ڌرڻي جي نظرثاني درخواست واپس وٺي رهيا آهيون. سُپريم ڪورٽ ۾ ٻڌڻي دوران اٽارني جنرل چيو ته وفاق فيض آباد ڪيس ۾ دفاع نٿو ڪرڻ چاهي، جنهن تي چيف جسٽس پڇاڻو ڪيو ته هاڻي ڪيس ڇو واپس وٺڻ چاهيو ٿا؟ پهريان چيو ويو ته فيصلي ۾ غلطيون آهن، هاڻي ڪيس واپس وٺي رهيا آهيو ان جا ڪارڻ ته ٻڌايو؟ . اٽارني جنرل عدالت کي ٻڌايو ته نظرثاني اپيل جڏهن داخل ڪئي وئي ان وقت حڪومت ٻي هئي، چيف جسٽس پڇاڻو ڪيو ته اوهان لکت ۾ درخواست داخل ڇو نه ڪئي؟ اٽارني جنرل جواب ڏنو ته پنهنجو بيان ڏئي رهيو آهيان. ٻڌڻي دوران پيمرا جي وڪيل حافظ احسان به عدالت کي ٻڌايو ته هو به پنهنجي نظرثاني اپيل واپس وٺي رهيو آهي، ان تي چيف جسٽي سوال ڪيو ته ڪنهن جي هدايت تي واپس وٺي رهيا آهيو؟ .جسٽس قاضي فائز عيسيٰ چيو ته پهرين ڪجهه ڳالهين جي وضاحت ڪرڻ چاهيان ٿو، هي ريگيولر بئنچ آهي خاص بئنچ ناهي، نظرثاني درخواستون فوري طور مقرر ٿينديون آهن پر اِهي چئن سالن تائين مقرر نه ٿيون، فيصلو ڏيڻ وارو هڪ جج رٽائرڊ ٿي چڪو انڪري ان بئنچ ۾ ڪيس نه لڳو. ٻڌڻي دوران پي ٽي آءِ جي وڪيل به درخواست واپس وٺڻ جي استدعا ڪئي ۽ وڪيل علي ظفر چيو ته اسان پي ٽي آءِ جي درخواست جي پيروي نٿا ڪرڻ چاهيون، ان تي چيف جسٽس وڪيل کان پڇاڻو ڪيو ته ڇا اوهان کي درخواست واپس وٺڻ جو اختيار آهي؟ جيڪڏهن اوهان ڌر بڻجڻ چاهيو ٿا ته عدالت اوهان کي اجازت ڏيندي، علي ظفر جواب ڏنو ته نه اسان ڪيس ۾ ڌر بڻجڻ نٿا چاهيون. چيف جسٽس آف پاڪستان قاضي فائز عيسيٰ چيو آهي ته مون سميت سڀني جو احتساب ٿيڻ گهرجي. چيف جسٽس آف پاڪستان قاضي فائز عيسيٰ ريمارڪس ڏنا ته ڪراچي ۾ 55 ماڻهو مري ويا، ڪا ڪارروائي ناهي ڪئي وئي. چيف جسٽس پاڪستان رمارڪس ڏيندي چيو ته جيڪي جمهوريت چاهين ٿا اهي ڪئناڊا مان واپس ڇو نٿا اچن؟ پارليامينٽ ۾ بحث ناهي ٿيو، جرمنيءَ ۾ فاشزم هو، هن تسليم ڪيو، اسلامي جمهوريه پاڪستان به غلطين جو اعتراف نٿو ڪري. جسٽس قاضي فائز عيسيٰ چيو ته حضرت عمر چيو هو ته جيڪڏهن درياهه جي ڪناري تي هڪ ڪتو به بک مرندو ته ذميوار مان آهيان. جٿي جي طاقت جي نفي نه ڪئي وئي آهي، اها اڄ به غالب آهي. اسان سبق نه سکيو آهي. چيف جسٽس چيو ته اڳ چيو ويندو هو ته فيصلو غلطين سان ڀريل هو، هاڻي ڇا فيصلي ۾ غلطيون ختم ٿي ويون آهن؟ ڇا نظر ثاني جي درخواستن کي واپس وٺڻ جو ڪو سبب آھي؟ اقتدار ۾ آيل ماڻهو ٽي وي ۽ يوٽيوب تي تقريرون ڪندا آهن، چيو ويندو آهي ته اسان کي نه ٻڌو ويو، هاڻي ٻڌڻ لاءِ ويٺا آهيون، اچو ته اسان کي ٻڌايو، اسان اهي درخواستون التوا ۾ رکون ٿا، جيڪڏهن ڪنهن کي ڪجهه چوڻو آهي ته ٻڌايو. لکت ۾، توهان ڊگهو پروگرام ڪيو پر هر اداري کي تباهه نه ڪريو. جسٽس قاضي فائز عيسيٰ رمارڪس ڏيندي چيو ته جيڪو ڪجهه پاڪستان ۾ ٿي رهيو آهي اهو سڄي دنيا ۾ نه ٿي رهيو آهي، پاڪستان ۾ چيو ويندو آهي ته مٿان کان حڪم ايندو آهي، جيڪو حرام آهي اهو ڪوڙ آهي، جيڪو ٿيو ان جو اعتراف ڪريو، سزا بعد ۾ ملندي، اعتراف ڪيو. ڏوهه جو اعتراف ڪيو ته ان وقت اليڪشن ڪميشن هڪ ئي شخص جي حوالي هئي، اڄ اليڪشن ڪميشن آزاد ٿي چڪي آهي، حوصلو اٿاريو، پوءِ سڀ ڪجهه ڪير سنڀالي رهيو هو، سڄو پاڪستان منجمد ٿي ويو، مرحوم خادم رضوي اعتراف ڪيو، اوهين ماڻهو اتي به نٿا پهچي سگهو، ڪنهن کان ڊڄو ٿا؟ اُهو مٿو ڪونهي، ڪنهن کان ڊڄين؟ ٽي وي تي تقرير ڪرڻي آهي ته عدالت کي سچ ٻڌايو. ٻڌڻي دوران چيف جسٽس قاضي فائز عيسيٰ فيض آباد ڌرڻي جي فيصلي تي عملدرآمد بابت سوال اُٿاريا. ان دوران اٽارني جنرل سُپريم ڪورٽ کي فيض آباد ڌرڻي ڪيس فيصلي تي عملدرآمد جي خاطري ڪرائيندي چيوته ڪيس جي فيصلي تي عمل ڪنداسين پر ان لاءِ عدالت وقت ڏي. عدالت نظرثاني درخواستن تي ٻڌڻي پهرين نومبر تائين ملتوي ڪندي ڌرين کي 27 آڪٽوبر تائين جواب جمع ڪرائڻ جي هدايت ڪري ڇڏي.
