ڪراچي (ويب ڊيسڪ) سوئي سدرن گئس طرفان گئس لوڊشيڊنگ جا وقت مقرر ڪرڻ جي ترديد ڪئي وئي آهي، ترجمان جو چوڻ آهي ته شهر ۾ رات کان صبح جي وقت ۾ گئ بند ڪئي ويندي آهي.
سوئي سدرن گئس ڪمپني جي نالي سان سوشل ميڊيا تي هڪ نوٽيس گردش ڪري رهيو هو، جنهن ۾ گئس جا وقت مقرر ڪرڻ بابت ٻڌايو ويو هو، نوٽيس ۾ چيو ويو هو ته هاڻ رڳو ٽي وقت گئس فراهم ڪئي ويندي.
جعلي نوٽيس ۾ چيو ويو هو ته صبح 6 کان 9 وڳي تائين، منجهند 12 کان ٻي وڳي تائين ۽ شام 6 کان رات 9 وڳي تائين واهپيدارن کي گئس ملندي.
سوئي سدرن گئس جي ترجمان وضاحت ڪندي چيو آهي ته شهر ۾ رات 11 وڳي کان صبح 7 وڳي تائين گئس بند ڪئي ويندي آهي.
