ڪراچي (رپورٽر) سنڌ جي سينيئر صوبائي وزير شرجيل انعام ميمڻ وزيراعليٰ پنجاب مريم نواز جي بيان تي رد عمل ڏيندي چيو آهي ته آزاد ڪشمير جي چونڊن جا نتيجا تاريخ ۾ "فارم 47 پلس” جي نالي سان ياد رکيا ويندا، هن چيو ته مسلم ليگ نون هڪ ڀيرو ٻيهر تاريخي ڌانڌلي ذريعي خيراتي مينڊيٽ حاصل ڪيو آهي، عوام 2024 ۾ به مسلم ليگ نون کي رد ڪيو ۽ 2026 ۾ به عوام پنهنجو فيصلو ٻڌائي ڇڏيو، جعلي مينڊيٽ ذريعي حڪومت ٺاهي سگهجي ٿي، پر عوام ۾ مقبوليت ۽ حقيقي عوامي حمايت حاصل نه ٿي ڪري سگهجي،هن چيو ته پيپلز پارٽي کي شڪايت ڪرڻ کان اڳ، نواز شريف کي اهو به ڏسڻ گهرجي ته آزاد ڪشمير ۾ سياسي صورتحال ڪيئن پيدا ٿي، پيپلز پارٽي هميشه جمهوري اصولن عوامي مينڊيٽ ۽ سياسي رواداري جو احترام ڪيو آهي.
