ڪراچي (ويب ڊيسڪ)قومي عوامي تحريڪ جي سربراهه اياز لطيف پليجو چيو آهي ته ”اٺ ڪروڙ سنڌين جي ڪهڙي ڳالهه نٿي وڻي؟“
اياز لطيف پليجو اين سي سي آءِ اي جي طلبي نوٽيس کانپوءِ ڪراچي پهچي ويو. جتي ميڊيا سان ڳالهائيندي هن چيو ته ”اٺ ڪروڙ سنڌين جي ڪهڙي ڳالهه، ڪهڙو موقف اوهان کي نٿو وڻي، اهو ٻڌايو.“
اياز لطيف پليجي چيو ته هو قانون ۽ آئين تي يقين رکندڙ وڪيل ۽ سياسي ڪارڪن آهي ۽ عدالتن جي نوٽيسز يا قانوني عمل کان ڪڏهن به ناهي ڀڄندو.
هن چيو ته ”اسان وڪيل آهيون، اسان کي جڏهن به ڪورٽ مان نوٽيس ملندو آهي ته مقرر تاريخ تي پيش ٿيندا آهيون، نمبر اچي يا بورڊ ڊسچارج ٿئي، اسان صفا ۽ صبر سان پنهنجو موقف پيش ڪندا آهيون.“
قومي عوامي تحريڪ جي سربراهه چيو ته هو پنهنجي قانوني ۽ سياسي جدوجهد جاري رکندو ۽ ڪنهن به قانوني عمل کان پاسو نه ڪندا.
