مظفرآباد (ويب ڊيسڪ) آزاد ڪشمير جي اڳوڻي وزيراعظم سردار تنوير الياس پاڪستان پيپلز پارٽي جي بنيادي رڪنيت تان استعيفيٰ ڏئي ڇڏي آهي.
ان ڏس ۾ سردار تنوير الياس چيو ته هن پنهنجي استعيفيٰ پ پ چيئرمين بلاول ڀٽو زرداري ڏانهن اُماڻي ڇڏي آهي.
ذريعن موجب، پارٽي ٽڪيٽن جي ورڇ واري معاملي تي اختلافن کانپوءِ سردار تنوير الياس ڌار ٿيڻ جو فيصلو ڪيو آهي.
ياد رهي ته ان کان اڳ پ پ چيئرمين بلاول ڀٽو زرداري جي صدارت ۾ زرداري هائوس اسلام آباد ۾ اجلاس ٿيو هو.
اجلاس ۾ آزاد ڄمون ۽ ڪشمير معاملن جي انچارج فريال ٽالپر، وقتي صدر چوڌري لطيف اڪبر، آزاد ڪشمير جي وزيراعظم ۽ پيپلز پارٽي آزاد ڪشمير جي صدر چوڌري محمد ياسين شرڪت ڪئي هئي.
اجلاس ۾ آزاد ڪشمير جي سياسي صورتحال ۽ ايندڙ چونڊن بابت حڪمت عملي تي غور ويچار ڪيو ويو هو.
