دوحا(ويب ڊيسڪ)قطر جي پرڏيهي وزارت جي ترجمان چيو آهي ته آمريڪي نمائندي اسٽيو وِٽڪوف ۽ جيرڊ ڪشنر ٽياڪڙي ڪندڙن سان ڳالهين جي سلسلي ۾ قطر ۾ موجود آهن، پر آمريڪا ۽ ايران جي وچ ۾ ڪنهن اعليٰ سطحي ملاقات جو في الحال ڪو فيصلو ناهي ٿيو.
ترجمان موجب اسٽيو وِٽڪوف ۽ جيرڊ ڪشنر هن موقعي تي ايراني عملدارن سان سڌي ملاقات به نه ڪندا.
هن وڌيڪ چيو ته ايران جا 6 ارب ڊالر جا منجمد فنڊ اڃا تائين ايران کي منتقل ناهن ڪيا ويا ۽ معاهدي موجب اهي رقمون رڳو انساني همدردي جي بنياد تي ضروري شين جي خريداري لاءِ استعمال ٿي سگهن ٿيون. آبناءِ هرمز بابت معاملي تي عمان سان به رابطو جاري آهي.
