تهران/واشنگٽن/اسلام آباد(ويب ڊيسڪ) آمريڪا طرفان ايران جي منجمد اثاثن جي حوالي سان اهم اڳڀرائي سامهون آئي آهي.
عرب ميڊيا ذريعن جي حوالي سان رپورٽ ڪيو آهي ته گهرو وزير محسن نقوي اڄ ايران جو دورو ڪندو، گهرو وزير تهران ۾ هڪ مفاهمتي ياداشت نامي تائين پهچڻ جي طريقن تي ڳالهه ٻولهه ڪندو.
ذريعن جو چوڻ آهي ته ايراني منجمد فنڊز جي حوالي سان اڳڀرائي ٿي آهي، پر ايراني منجمد فنڊز جي مقدار ۽ جاري ڪرڻ جي وقت بابت اختلاف برقرار آهن.
ذريعن جو چوڻ آهي ته صدر ٽرمپ ٽياڪڙن کي آگاهه ڪيو آهي ته 60 ڏينهن کان وڌيڪ ڪنهن به قسم جون ڳالهيون نه ٿينديون، هاڻي اهو ايران تي آهي ته هو ڪيترو تيزي سان جواب ڏئي ٿو.
ياد رهي ته گهرو وزير محسن نقوي گذريل ٻن ڏينهن دوران ايراني اختيارين سان ڪيتريون ئي ملاقاتون ڪيون آهن.
ان حوالي سان وفاقي گهرو وزير محسن نقوي پنهنجي بيان ۾ چيو آهي ته ايراني گهرو وزير اسڪندر مومني سان ٻيهر ملاقات ڪئي، جنهن ۾ علائقائي سلامتي جي صورتحال جو جائزو ورتو ويو ۽ گڏيل دلچسپي جي معاملن تي پڻ ڳالهه ٻولهه ڪئي وئي.
