بيجنگ(ويب ڊيسڪ)چين ۾ مقرر ايراني سفير عبدالرضا رحماني فضلي چيو آهي ته ايران ۽ آمريڪا جا لاڳاپا هڪ ڳنڀير مامرو آهن، تنهن هوندي به چين اسلام آباد جي ٺاهه ڪرائڻ واري ڪوشش ۾ اهم ۽ هاڪاري ڪردار ادا ڪيو.
هڪ موقعي تي ڳالهائيندي هن چيو ته چين عام طور تي تڏهن ئي ڪنهن ٺاهه ڪرائڻ واري عمل ۾ شامل ٿيڻ پسند ڪندو آهي، جڏهن سٺن نتيجن جي اميد موجود هجي.
ايراني سفير چيو ته هاڻوڪي ٺاهه ڪرائڻ وارو عمل حقيقت ۾ ايران، پاڪستان ۽ چين وچ ۾ گڏيل سهڪار ۽ سفارتي لاڳاپن جو نتيجو آهي، جنهن علائقي ۾ ڇڪتاڻ گهٽائڻ ۾ اهم ڪردار ادا ڪيو آهي.
هن زور ڀريو ته علائقائي امن ۽ ڳالهين واري عمل کي هٿي ڏيڻ لاءِ گڏيل سفارتي ڪوششون اڻٽر آهن، جڏهن ته پاڪستان ۽ چين ان ڏس ۾ هاڪارو ۽ اڏاوتي ڪردار نڀايو آهي.
