ممبئي(ويب ڊيسڪ) بالي ووڊ جي مشهور فلم ”ٿري ايڊيٽس“ جي سيڪوئل بابت تفصيل سامهون آيا آهن. جنهن مداحن ۾نئون جوش پيدا ڪري ڇڏيو آهي.
ڀارتي ميڊيا رپورٽس موجب هن ڀيري ڪهاڻي روايتي تسلسل جي بجاءِ هڪ وڏي ٽائيم جمپ ۽ نئين رخ سان پيش ڪئي ويندي.
رپورٽس موجب فلم جي مرڪزي ڪردارن جي زندگين جي هڪ نئين دور کي ڏيکاريو ويندو، جڏهن ته ان ۾ اصل فلم جي جذباتي گهرائي ۽ پراڻي انداز کي برقرار رکڻ جي ڪوشش ڪئي ويندي.
رپورٽس ۾ دعوا ڪئي وئي آهي ته سپر اسٽار عامر خان هن پراجيڪٽ جو ڪم شروع ڪري ڇڏيو آهي، فلم جي هدايتڪاري راجڪمار هيراڻي سنڀالي رهيو آهي جڏهن ته هن فلم ۾ اداڪار وڪي ڪوشل کي به شامل ڪيو ويو آهي.
ياد رهي ”ٿري ايڊيٽس“ بالي ووڊ جي متاثر ڪندڙ فلمن مان هڪ تصور ڪئي ويندي آهي جنهن نوجوانن ۽ ڀارت ۾ تعليمي نظام کي وائکو ڪيو.
