ڪراچي (ويب ڊيسڪ) موسميات کاتي ڪراچي ۾ هڪ ڀيرو ٻيهر برسات جي اڳڪٿي ڪري ڇڏي.
موسميات کاتي جو چوڻ آهي ته 25 کان 28 مارچ دوران هڪ اولهه هوا جو نظام ملڪ ۾ داخل ٿيڻ جو امڪان آهي، جنهن جا اثر خاص طور بلوچستان ۾ وڌيڪ شدت سان ظاهر ٿيندا.
موسميات کاتي موجب اهو سسٽم ايران جي رستي بلوچستان ۾ داخل ٿيندو، جتي تيز هوائن سان گڏ برسات جو امڪان آهي.
ان جا اثر سنڌ تي به پوندا، جنهن ۾ ڪراچي شامل آهي، جتي تيز هوائن سان اوچتو برسات جو امڪان آهي.
