ڪراچي(عوامي آواز نيوز)عالمي مارڪيٽ ۾ تيل اگهه گهٽ ٿيڻ باوجود پاڪستان ۾ حڪومت پيٽرول ۽ ڊيزل جا اگهه گهٽ نه ڪيا،سوشل ميڊيا تي تنقيد، تجزئي نگار اوريا مقبول جان چيو آهي ته عالمي منڊي ۾ تيل جون قيمتون اٺ سيڪڙو گهٽ ٿي ويون آهن. ڇا عوام دشمن حڪومت پيٽرول ۽ ڊيزل جي قيمتن ۾ ڪيل واڌ واپس وٺندي؟معاشي تجزئي نگار ڊاڪٽر فرخ سليم جي ٽي ڏينهن اڳ ڪيل ڳالهه سچ ثابت ٿي وئي، عالمي منڊي ۾ تيل سستو ٿي ويو آهي۔هاڻي وفاقي حڪومت کان مطالبو ڪيو پيو وڃي ته هر شهري کي في ليٽر 55 رپين جي حساب سان اضافي ورتل پئسا واپس ڪيا وڃن۔چيو پيو وڃي ته حڪومت عوام کان اڳواٽ هر ليٽر تي 55 رپيا وڌيڪ وصول ڪيا هئا. جيڪڏهن عالمي منڊي ۾ تيل ٻيهر سستو ٿي ويو آهي ته ڇا حڪومت اها اضافي رقم هر شهري کي واپس ڪندي؟ناڻي واري اڳوڻي وزير مفتاح اسماعيل چيو ته تيل جون قيمتون گهٽ ٿيڻ باوجود به عوام کي تيل مهانگو ئي ملندو؟ پئسو آخر ڪنهن جي کيسي ۾ وڃي رهيو آهي ڪجهه اهم ڪمپنين اربين رپيا ڪمايا آهن،ن ليگ اڳواڻ ڊاڪٽر آصف ڪرماڻي چيو ته عالمي مارڪيٽ ۾ تيل جون قيمتون گهٽيون آهن،آمريڪي خام تيل 84.64 ڊالر في بيرل ۽ برطانوي خام تيل 87.94 ڊالر في بيرل (هن چيو ته هاڻي حڪومت کي پيٽروليم شين جون قيمتون وڌيڪ وڌائڻ جو خيال ذهن مان ڪڍي ڇڏڻ گهرجي، موجوده ناجائز واڌ واپس وٺڻ گهرجي، قيصر شريف لکيو ته پئٽروليم شين جون قيمتون ڏيڍ مهيني کان به گهٽ عرصي ۾ في ليٽر 147 رپيا 93 پئسا وڌايون ويون آهن، ۽ صرف 35 ڏينهن ۾ چار ڀيرا قيمتون وڌايون ويون آهن۔اهڙي مختصر عرصي ۾ حڪومت اربين رپيا عوام کان وصول ڪري چڪي آهي، جيڪو ظلم آهي،اڳوڻي سينيٽر مشتاق احمد خان لکيو ته پئٽروليم شين جي قيمتن ۾ ظالماڻي واڌ واپس وٺڻ گهرجي، ڇو ته عالمي مارڪيٽ ۾ قيمتون ٻيهر پنهنجي اصل سطح تي اچي ويون آهن۔هن سوال ڪيو ته ڇا عوام دشمن شهبازشريف حڪومت في ليٽر 55 + 8 = 63 رپيا اضافو واپس ڪندي؟ڇا حڪومت في ليٽر 120 رپين جي ظالماڻي منافعي کان دستبردار ٿيندي؟ڇا حڪومت عام اخلاق جو مظاهرو ڪندي ۽ ملڪ جي غريبن خلاف هن معاشي دهشتگردي ۽ مالي سفاڪي تي نظرثاني ڪندي؟عالمه لکيو ته جڏهن عالمي مارڪيٽ ۾ تيل سستو ٿيو، وزير پيٽروليم چيو هو ته اسان به پيٽرول جون قيمتون گهٽائينداسين هاڻي عالمي مارڪيٽ ۾ پيٽرول سستو آهي، هاڻي همت ڏيکاريو ۽ پنهنجو وعدو پورو ڪيو وڃي،صحافي جميل فاروقي لکيو ته جڏهن عالمي مارڪيٽ ۾ خام تيل جون قيمتون اوچتو 25 ڊالر في بيرل گهٽجي ويون آهن، تڏهن پاڪستان ۾ پيٽرول جون قيمتون اوچتو وڌائڻ جو فيصلو اڃان تائين واپس ڇو نه ڪيو ويو؟محمد عمير سوال ڪيو ته ڇا حڪومت هر ليٽر تي عوام جي کيسي مان ورتل 55 رپيا واپس ڪندي؟صحافي مليحه هاشمي لکيو ته پاڪستان تي ايران-اسرائيل جنگ جو اثر اڳ به نه پيو هو، پر حڪومت ڄاڻي واڻي ڪري عوام کي نقصان پهچايو هو، ۽ هاڻي تيل جي قيمت گهٽجي وئي آهي۔فوراً پيٽرول ۽ ڊيزل سستا ڪيا وڃن،اڳوڻي ايم اين اي جمشيد احمد دستي وزيراعظم کي اڻ سڌي ريت تنقيد جو نشانو بڻائيندي لکيو ته جنهن کي پنهنجا ڪپڙا وڪڻي تيل سستو ڪرڻو هو، هن عوام کي عيد تي ڪپڙا وٺڻ جي به گنجائش نه ڏني۔هن چيو ته مارچ جو سڄو مهينو پيٽرول ذخيرو ٿيل هو، تنهن ڪري عيد تي به غريبن کي سڪون سان گذارڻ جو موقعو نه مليو،پي ٽي آءِ اڳواڻ حليم عادل شيخ لکيو ته جڏهن عالمي مارڪيٽ ۾ تيل مهانگو ٿئي ٿو، ته پاڪستان ۾ حڪومت فوري طور پيٽرول جون قيمتون وڌائي ڇڏيندي آهي،پر جڏهن عالمي قيمتون گهٽ ٿين ٿيون، ته عوام کي ڪو به رليف نه ڏنو وڃي ٿو۔
نيويارڪ/لنڊن (م ڊ) آمريڪي صدر ڊونلڊ ٽرمپ پاران ايران جنگ جلد ختم ٿيڻ جي اميد ظاهر ڪرڻ کانپوءِ عالمي مارڪيٽ ۾ تيل جي اگهن ۾ تيزي سان لاٿ ڏٺي وئي آهي. اڱاري ڏينهن برينٽ ڪروڊ ۽ آمريڪي خام تيل جي اگهن ۾ 4 سيڪڙو کان وڌيڪ لاٿ رڪارڊ ڪئي وئي. ياد رهي ته پير ڏينهن تيل جون قيمتون رڪارڊ 100 ڊالر في بيرل کان مٿي هليون ويون هيون، پر صدر ٽرمپ ۽ روسي صدر پيوٽن جي رابطي بعد مارڪيٽ ۾ ڇانيل بي يقيني واري صورتحال گهٽجي وئي آهي. تجزيي نگارن موجب، آمريڪا هاڻي تيل جي عالمي کوٽ کي پورو ڪرڻ لاءِ روس تي لڳل ڪجهه پابندين ۾ نرمي ۽ پنهنجا هنگامي ذخيرا استعمال ڪرڻ تي به غور ڪري رهيو آهي.
