لاهور (ويب ڊيسڪ) پاڪستان ڪرڪيٽ ٽيم جي اڳوڻي ڪپتان سرفراز احمد کي قومي ٽيسٽ ڪرڪيٽ ٽيم جو هيڊ ڪوچ بڻائڻ جو فيصلو ڪيو ويو آهي.
ان ڏس ۾ پاڪستان ڪرڪيٽ بورڊ ( پي سي بي) جي ذريعن جو چوڻ آهي ته سرفراز احمد جي مقرري جو باضابطا اعلان جلد ڪيو ويندو، هو پاڪستان جي بنگلاديش سان ٽيسٽ سيريز دوران ذميواريون سنڀاليندو .
واضح رهي ته پاڪستان ٽيسٽ ٽيم جي ڪوچ جو عهدو خالي هو، جڏهن ته اظهر محمود ڏکڻ آفريڪا خلاف سيريز ۾ عبوري هيڊ ڪوچ طور خدمتون سرانجام ڏئي رهيو هو.
پاڪستان ٽيم مئي ۾ بنگلاديش خلاف 2 ٽيسٽ ميچن جي سيريز کيڏندي، هي ٽيسٽ سيريز ورلڊ ٽيسٽ چيمپيئن شپ 2027 جو حصو آهي.
پاڪستان ۽ بنگلاديش وچ ۾ پهرين ٽيسٽ ميچ 8 مئي ۽ ٻي ٽيسٽ ميچ 16 مئي کان شروع ٿيندي.
سرفراز احمد کي پاڪستان انڊر 19 ٽيم جو مئنٽور مقرر ڪيو ويو هو، جن جي اڳواڻي ۾ ٽيم ايشيا ڪپ کٽيو هو، جڏهن ته تازي انڊر 19 ورلڊڪپ لاءِ به هن مئنٽور جون ذميواريون نڀايون هيون.
