اسلام آباد(ويب ڊيسڪ)اسلام آباد جي مقامي عدالت رياستي ادارن تي گمراهه ڪندڙ الزام ۽ ساک متاثر ڪرڻ واري ڪيس ۾ خيبرپختونخوا جي وڏي وزير سهيل آفريدي کي گرفتار ڪري پيش ڪرڻ جو حڪم ڏئي ڇڏيو.
اسلام آباد جي ڊسٽرڪٽ اينڊ سيشن ڪورٽس رياستي ادارن تي گمراهه ڪندڙ الزام ۽ ساک متاثر ڪرڻ واري ڪيس ۾ غيرحاضري تي سهيل آفريدي جا گرفتاري وارنٽ برقرار رکيا آهن.
عدالت ان ڪيس ۾ خيبر پختونخوا جي وڏي وزير سهيل آفريدي کي گرفتار ڪري پيش ڪرڻ جو حڪم ڏنو ۽ ڪيس جي وڌيڪ ٻڌڻي 9 مارچ تائين ملتوي ڪري ڇڏي.
واضح رهي ته سهيل آفريدي خلاف پيڪا ايڪٽ تحت نيشنل سائبر ڪرائم انويسٽيگيشن ايجنسي (اين سي سي آءِ اي) طرفان ڪيس داخل ڪيو ويو آهي.
