پشاور(م ڊ) خيبرپختونخواهه جي وڏي وزير سهيل آفريدي چيو آهي ته دهشتگردي خلاف جنگ اسان سڀني لاءِ هڪ گڏيل جنگ آهي، ان لاءِ سول حڪومت، انتظاميه، پاڪستان فوج ۽ ٻيا قانون لاڳو ڪندڙ ادارا هڪ ئي صفحي تي آهن ۽ گڏجي پنهنجون ڪوششون جاري رکندا.خيبرپختونخواهه جي وڏي وزير جي پريس سيڪريٽري جي آفيس پاران جاري ڪيل بيان موجب، صوبائي ايپڪس ڪميٽي جو هڪ اهم اجلاس وزير اعليٰ خيبرپختونخواهه سهيل آفريدي جي صدارت ۾ منعقد ٿيو. اجلاس ۾ صوبائي وزيرن، ڪور ڪمانڊر پشاور، چيف سيڪريٽري ۽ آءِ جي پوليس، گڏوگڏ اعليٰ سول، فوجي ۽ قانون لاڳو ڪندڙ عملدارن شرڪت ڪئي. اجلاس ۾ عام طور تي خيبر پختونخوا صوبي ۾ دهشتگردي جي وڌندڙ واقعن ۽ فتنه الخوارج جي لعنت کي ختم ڪرڻ ۽ مڪمل امن ۽ استحڪام بحال ڪرڻ لاءِ ايڪشن پلان تي غور ڪيو ويو.بيان موجب، اجلاس ۾ فيصلو ڪيو ويو ته دهشتگردي خلاف جامع پاليسي جي ڪاميابي لاءِ سڀني سياسي پارٽين، عوامي نمائندن، معززين ۽ وفاقي حڪومت جي گڏيل صلاح مشوري، باهمي تعاون ۽ عملي هم آهنگي ضروري آهي.خيبر پختونخواه حڪومت جي ايجنڊا اها آهي ته صرف سٺي حڪمراني ۽ عوامي مفاد قوم کي دهشتگردي جي خلاف متحد ڪري سگهن ٿا.
