گذريل ڏينهن وائيٽ هائوس پاران اهو چيو ويو ته غزا پيس بورڊ عارضي طور تي حڪومت جي نگراني ڪندو، ميجر جنرل جيسپر جيفرز عالمي استحڪام فورس جو ڪمانڊر مقرر ڪيو ويو آهي. وائيٽ هائوس موجب غزه بورڊ آف پيس ۾ آمريڪي پرڏيهي وزير مارڪو روبيو، ڊونلڊ ٽرمپ جي خاص نمائندي اسٽيووٽڪوف ۽ ڊونلڊ ٽرمپ جي ناٺي جيرڊ ڪشنر کي پيس بورڊ ۾ شامل ڪيو ويو آهي. برطانيا جو اڳوڻو وزيراعظم ٽوني بليئر، نڪولائي ملادينوف، اجي بنگا ۽ ٻين کي به پيس بورڊ جو حصو بڻايو ويو آهي. واضح رهي ته پيس بورڊ ٽرمپ جي منصوبي جو حصو آهي، پيس بورڊ غزه ۾ سيڪيورٽي، انساني امداد ۽ نئين سر تعمير جي منصوبن تي عمل کي يقيني بڻائيندو.ياد رهي ته ان بورڊ ۾ غزه جو ڪو به ذڪر ناهي، جيڪو ٽول جي رپورٽنگ کي مضبوط ڪري ٿو ته آمريڪا دنيا جي ٻين تڪرارن کي حل ڪرڻ ۾ مدد ڪندڙ پينل جو تصور پڻ ڪري ٿو؛ ميمبر ملڪن کي مستقل جڳهه لاءِ 1 بلين ڊالر ادا ڪرڻ گهرجن۔آمريڪي صدر ڊونلڊ ٽرمپ چيو ته مستقبل ۾ اهو ممڪن آهي ته بورڊ آف پيس گڏيل قومن جي جاءِ وٺي سگهي، پر هاڻي لاءِ "هو چاهي ٿو ته عالمي ادارو پنهنجو ڪم جاري رکي.”پرڏيهي خبرن جي اداري جي رپورٽ موجب، صحافين جي هڪ سوال جي جواب ۾، آمريڪي صدر چيو ته هو گڏيل قومن جي صلاحيتن جو سڀ کان وڏو حامي آهي، پر حقيقت اها آهي ته گڏيل قومن ڪڏهن به پنهنجي مڪمل صلاحيت سان ڪم نه ڪري سگهيو آهي.ڊونلڊ ٽرمپ موجب جيتوڻيڪ گڏيل قومن ۾ دنيا ۾ امن قائم ڪرڻ جي وڏي صلاحيت آهي، پر عملي طور تي اهو ادارو پنهنجون ذميواريون پوريون ڪرڻ ۾ ناڪام رهيو آهي.هن بورڊ تقريباً 50 ملڪن کي دعوت ڏني وئي، جن مان تقريباً 35 اڳواڻن شرڪت ڪرڻ جي خواهش ظاهر ڪئي، جن ۾ پاڪستان جو وزيراعظم شهباز شريف،يو اي اي جي صدر شيخ محمد بن زيد النهيان ۽ مراڪش جي بادشاهه غزه امن بورڊ جو باني ميمبر بڻجڻ لاءِ ٽرمپ جي دعوت قبول ڪري ورتي. مراڪش جي پرڏيهي وزارت موجب، بادشاهه بورڊ ۾ باني ميمبر طور شامل ٿيڻ تي راضپو ظاھر ڪيو جنهن جو مقصد وچ اوڀر ۾ امن جي ڪوششن جي حمايت ڪرڻ آهي. هن بيان ۾ چيو ويو آهي ته بورڊ ۾ محدود انگ ۾ عالمي اڳواڻ شامل هوندا جيڪي ڊگهي مدي جي استحڪام ۽ خوشحالي لاءِ پرعزم آهن.
ايگزيڪيوٽو بورڊ چيئرمين طرفان چونڊيو ويندو ۽ عالمي حيثيت جي اڳواڻن تي مشتمل هوندو. ايگزيڪيوٽو بورڊ جا ميمبر ٻن سالن جي مدت لاءِ ڪم ڪندا، چيئرمين طرفان هٽائڻ ۽ سندس صوابديد تي تجديد جي تابع هوندا. ايگزيڪيوٽو بورڊ جي اڳواڻي هڪ چيف ايگزيڪيوٽو ڪندو جيڪو چيئرمين طرفان نامزد ڪيو ويندو ۽ ايگزيڪيوٽو بورڊ جي اڪثريت ووٽ سان تصديق ڪئي ويندي.ايگزيڪيوٽو بورڊ پنهنجي طريقيڪار جا قاعدا پاڻ طئي ڪندو.هن چارٽر سان مطابقت رکندڙ، بورڊ آف پيس جي مشن کي لاڳو ڪرڻ لاءِ ضروري ۽ مناسب اختيار استعمال ڪندو؛ بورڊ آف پيس کي ان جي سرگرمين ۽ فيصلن جي رپورٽ ٽه ماهي بنيادن تي ڏيندو،جڏهن ته بورڊ آف پيس جي خرچن جي فنڊنگ ميمبر رياستن، ٻين رياستن، تنظيمن، يا ٻين ذريعن کان رضاڪارانه فنڊنگ ذريعي ڪئي ويندي.بورڊ آف پيس پنهنجي مشن کي پورو ڪرڻ لاءِ ضروري طور تي اڪائونٽس قائم ڪرڻ جي اجازت ڏئي سگهي ٿو. ايگزيڪيوٽو بورڊ بجيٽ، مالي اڪائونٽس، ۽ ورڇ جي حوالي سان ڪنٽرول ۽ نگراني جي طريقن جي اداري کي اختيار ڏيندو، ته جيئن انهن جي سالميت کي يقيني بڻايو وڃي.پاڪستاني سرڪار موجب گڏيل قومن جي سلامتي ڪائونسل جي قرارداد 2803 تحت غزه امن منصوبي تي عملدرآمد جي حمايت لاءِ جاري ڪوششن جي حصي طور بورڊ آف پيس ۾ شامل ٿيڻ جو فيصلو ڪيو آهي. اميد آهي ته هن فريم ورڪ جي قيام سان، مستقل جنگ بندي جي نفاذ، فلسطينين جي انساني امداد ۾ وڌيڪ واڌ ۽ غزه جي تعمير نو لاءِ عملي ۽ ٺوس قدم کنيا ويندا. پاڪستاني ترجمان موجب، اهي ڪوششون فلسطيني عوام جي خود اراديت جي حق کي حاصل ڪرڻ جو هڪ ذريعو هونديون، جيڪو بين الاقوامي قانونيت ۽ لاڳاپيل گڏيل قومن جي قراردادن جي مطابق هڪ قابل اعتماد ۽ وقت جي پابند سياسي عمل ذريعي ممڪن ٿيندو، جنهن جي نتيجي ۾ 1967 کان اڳ جي سرحدن اندر هڪ آزاد، خودمختيار ۽ جاگرافيائي طور تي ملحق فلسطيني رياست قائم ٿيندي، جنهن جو گاديءَ جو هنڌ يروشلم هوندو.پاڪستان دنيا جي انهن چند ملڪن مان هڪ آهي جنهن جا آمريڪا، چين ۽ روس جهڙن سڀني طاقتور ملڪن سان مضبوط اسٽريٽجڪ لاڳاپا آهن. هن انفراديت کي ڏسندي، پاڪستان جو ڪردار مختلف ايس بلاڪن ۾ ورهايل دنيا ۾ خاص اهميت رکي ٿو.سفارتي ذريعن جو چوڻ آهي ته پاڪستان، بلاڪ سياست جو حصو نه هجڻ جي باوجود، سڀني بين الاقوامي اسٽيڪ هولڊرز سان لاڳاپا برقرار رکي ٿو، جيڪو ان کي پنهنجي اسٽريٽجڪ خودمختياري حاصل ڪرڻ ۾ مدد ڪري ٿو. پاڪستان هميشه هڪ غير جانبدار پرڏيهي پاليسي ذريعي متوازن ۽ لچڪدار پرڏيهي پاليسي برقرار رکي آهي. پاڪستان هميشه چين، هندستان، ڪشمير ۽ فلسطين جهڙن معاملن تي ڪنهن به ٻاهرين دٻاءُ کان سواءِ پنهنجي قومي مفاد جي مطابق فيصلا ڪيا آهن ۽ انهن معاملن ۾ هميشه پنهنجي اصولي موقف کي ذهن ۾ رکيو آهي.پاڪستان اسرائيل کي تسليم نه ڪرڻ، گڏيل قومن جي قراردادن جي مطابق ان سان لاڳاپيل تڪرارن جو حل. بين الاقوامي طور تي تسليم ٿيل سرحدن جو احترام،بيت القدس سان هڪ آزاد فلسطيني رياست جو قيام، پاڪستان جا اصولي موقف آهن جن تي پاڪستان جي پرڏيهي پاليسي هميشه اٽل رهي آهي. ساڳئي طرح، والاريل ڪشمير جي ماڻهن جي خود اراديت جو حق ۽ گڏيل قومن جي قراردادن جي روشني ۾ ان جو پائيدار حل پڻ پاڪستان جي پرڏيهي پاليسي جو هڪ "لازمي حصو” رهيو آهي.پاڪستان جي حڪومت ISF ۾ شامل ٿيڻ جي حوالي سان هڪ واضح ۽ غير واضح موقف اختيار ڪيو آهي، جنهن جي حڪومت پاران ڪيترائي ڀيرا تصديق ڪئي وئي آهي. ISF ۾ شامل ٿيڻ جو فيصلو پاڪستان جي قومي مفاد، گڏيل قومن جي مينڊيٽ ۽ پاڪستان ۽ فلسطين جي عوام جي خواهشن جي مطابق هوندو ان لاءِ لازم هو ته سرڪار کي گڏيل پارليامينٽ جو اجلاس گهرائي سڀني پارٽين کي اعتماد ۾ وٺڻ گهرجي هان ڇوته آمريڪا ۽ اسرائيل سدائين اسلامي ملڪن خلاف متعصب رويو رکيو آهي چاهي اهو عراق هجي يا لبنان۔يمن هجي يا شام۔ افغانستان هجي يا بنگلاديش وغيره انهن ملڪن اندر هن پنهنجو نيٽ ورڪ وڇائڻ جو ڪم ڪيو آهي هاڻي ايران خلاف سندس ميري نظر مان اندازو لڳائي سگهجي ٿو ته هو مسلمانن جو ڪيترو سڄڻ آهي!! انڪري مسلم ملڪن کي پنهنجو مضبوط نيٽ ورڪ ٺاهي آمريڪا ۽ سندس حامين خلاف حڪمت عملي ٺاهڻ گهرجي ۽ ان سان گڏ غزا جي صورتحال کي پنهنجي اتحادي طاقت سان بهتر ڪرڻ جي ڪوشش ڪرڻ گهرجي۔
