اسلام آباد (ويب ڊيسڪ) مشهور اداڪارا نمرا شاهد بالي ووڊ جي سينيئر اداڪارا ڪاجول سان پنهنجي ڀيٽ تي خاموشي ٽوڙي ڇڏي.
ويجهڙ ۾ نمرا شاهد هڪ شو ۾ شرڪت ڪئي، جتي هن مختلف موضوعن تي ويچار ونڊيا.
شو دوران نمرا شاهد بالي ووڊ اداڪارا ڪاجول سان پنهنجي ڀيٽ تي تبصرو ڪندي چيو ته ” معمه “ڊرامي جي نشر ٿيڻ کانپوءِ ڪيئي ماڻهو کيس ڪاجول جي همشڪل قرار قرار ڏئي رهيا آهن،
هن چيو ته هوءَ نٿي ڄاڻي ته هي تعريف جي زمري ۾ اچي ٿي يا نه پر هڪ اداڪارا لاءِ پُراثر اکيون هئڻ يقينن هڪ هاڪاري ڳالهه آهي.
واضح رهي ته نمرا شاهد 2016 ۾ شوبز انڊسٽري ۾ قدم رکيو ۽ ٿوري عرصي ۾ پنهنجي باصلاحيت اداڪاري جي ڪري انڊسٽري ۾ جاءِ ٺاهي ورتي.
هوءَ شاهه رخ ڪي ساليان، شدت، ڀولي بانو، ڊر خدا سي، روميو ويڊز هير، کٺي ميٺي لو اسٽوري، ۽ مشتِ خاڪ جهڙن ڪامياب ڊرامن ڪم ڪري چڪي آهي.
